Read Ўзбек тилидаги Муқаддас Китоб, 2013 Чиқиш 26 Bible Online

Чиқиш 26 - Ўзбек тилидаги Муқаддас Китоб, 2013 bible

Чиқиш 26

¹Энди Муқаддас чодирнинг[132] ўзига келсак, унинг ички қаватини қилдир. У майин зиғир матосидан тикилган ўнта чойшабдан иборат бўлсин. Кўк, сафсар ва қирмизи иплар билан карублар тасвирини маҳорат билан ишлатиб, бу чойшабларни безаттир.

²Ҳар бир чойшабнинг бўйи йигирма саккиз тирсак, эни тўрт тирсак[133] бўлсин. Ҳамма чойшабларнинг ўлчови бир хил бўлсин.

³Чойшаблардан бештасининг бўйини бир–бири билан бирлаштириб тиктир, қолган бештасини ҳам шундай қилдир.

⁴Уланган икки бўлак чойшабнинг бир бўйига кўк матодан қилинган элликтадан ҳалқа тиктир. Ҳар икки томонга тикилган ҳалқалар бир–бирига рўпарама–рўпара бўлсин.

⁶Кейин олтиндан элликта илгак ясаттир, иккала чойшабнинг ҳалқаларини илгаклар билан бир–бирига улат. Шунда чодирнинг ички қавати бир бутун бўлади[134].</p>

⁷Муқаддас чодирнинг қопламаси учун эчки жуни матосидан ўн битта чойшаб тиктир.

⁸Ҳар битта чойшабнинг бўйи ўттиз тирсак, эни тўрт тирсак[135] бўлсин. Ўн битта чойшабнинг ҳаммаси бир ўлчовда бўлсин.

⁹Чойшаблардан бештасининг бўйини бир–бири билан бирлаштириб тиктир, қолган олтитасини ҳам шундай қилдир. Уланган икки бўлак чойшабнинг бўйига элликтадан ҳалқа тиктир. Кейин бронзадан элликта илгак ясат, иккала чойшабнинг ҳалқаларини илгаклар билан бир–бирига улат. Шунда чодирнинг қопламаси бир бутун бўлади[136]. Чодир устига қопламани ташлаганларингизда, чодирга кираверишнинг юқорисида олтинчисини узунаси бўйлаб икки букла.

¹²Қопламанинг бўйидан қолган икки тирсаги[137] чодирнинг орқасида ерга ёйилади[138].

¹³Қопламанинг эни охиридаги қўшимча бир тирсак чодирнинг икки ёнбошида ерга осилиб туради ва уни бутунлай қоплайди[139].

¹⁴Бу қоплама устига қўйиш учун қизилга бўялган қўчқор терисидан қоплама, сўнг юмшоқ теридан[140] ташқи қоплама қилдир.</p>

¹⁵Акас ёғочидан[141] Муқаддас чодирни тутиб турадиган ромлар[142] ясат.

¹⁶Ҳар бир ромнинг бўйи ўн тирсак, эни бир ярим тирсак[143] бўлсин.

¹⁷Ҳар бир ромнинг остида бир–бирига параллел бўлган иккита тиргак ясат.

¹⁸Чодирнинг жануб томонидаги девор учун йигирмата ром ясат.

¹⁹Бу ромлар остига қўйиш учун кумушдан қирқта таглик — ҳар бир ром учун иккитадан таглик қилдир, токи ҳар бир тиргак остида битта таглик бўлсин.

²⁰Чодирнинг шимол томонидаги девор учун йигирмата ром ясат.

²¹Ҳар бир ром остига қўйиш учун иккитадан — қирқта кумуш таглик ясат.

²²Чодирнинг орқадаги — ғарб томонидаги девор учун олтита ром,

²³чодирнинг орқасида бурчаклар ҳосил қилиш учун ҳар икки томонига яна биттадан ром ясат.

²⁴Бу иккала ромни пастдан ва юқоридан туташган девордаги охирги ромга бирлаштир. Битта бурчак ҳосил қилиш учун битта ҳалқа билан яхлит қилиб бирлаштир. Бу ҳар иккала бурчак шу йўл билан ҳосил қилинади.

²⁵Шундай қилиб, ҳар бир ром остига қўйиш учун иккитадан — ўн олтита кумуш тагликка таянган саккизта ромдан орқадаги девор қилинади.

²⁶Муқаддас чодирнинг жануб томонидаги ромларни ушлаб туриш учун акас ёғочидан бешта тамба,

²⁷шимол томонидаги ромларни ушлаб туриш учун ҳам бешта тамба, орқа томони — ғарб томонидаги ромларни ушлаб туриш учун ҳам бешта тамба ясат.

²⁸Ромларнинг ярмигача ўрнаштирилган ўртадаги тамбалар чодирнинг бошидан охиригача чўзилади.

²⁹Ромларни олтин билан қоплатиб, тамбаларни ушлаб турсин, деб олтин ҳалқаларни ромларга бирлаштир[144], тамбаларни ҳам олтин билан қоплат.

³⁰Чодирни Мен сенга шу ерда — тоғда кўрсатган намуна бўйича ўрнаштир.</p>

³¹Майин зиғир матосидан тикилган ички пардани қилдир. Кўк, сафсар ва қирмизи иплар билан карублар тасвирини маҳорат билан ишлатиб, бу пардани безаттир.

³²Акас ёғочидан тўртта устун ясат. Устунларга олтин қоплатиб, уларга олтин илгакларни маҳкамлат. Кумуш тагликка устунларни биттадан ўрнаштир ва ички пардани устундаги илгакларга осдир.

³³Ички парда чодир шипидаги илгаклар[145] остида осилиб турсин. Аҳд сандиғи[146] ички парданинг орқасига олиб кирилсин. Ички парда Муқаддас хонаниЭнг муқаддас хонадан ажратиб туради.

³⁴Сандиқнинг қопқоғи Энг муқаддас хонага олиб кирилсин, уни аҳд сандиғи устига қўйдир.

³⁵Хонтахтани чодирнинг шимол томонига — ички парданинг ташқарисига қўйдир. Чироқпояни эса чодирнинг жануб томонига — ички парданинг ташқарисидаги хонтахтанинг рўпарасига ўрнат.</p>

³⁶Чодирга кириш жойи учун майин зиғир матосидан тикилган парда қилдир. Уни кўк, сафсар ва қирмизи иплардан маҳорат билан тиктириб безаттир.

³⁷Акас ёғочидан бешта устун ясат, токи пардани ушлаб турсин. Устунларга олтин қоплатиб, уларга олтин илгакларни маҳкамлат. Эритилган бронзадан устунлар остига қўйиш учун бешта таглик ясат.