Read Ўзбек тилидаги Муқаддас Китоб, 2013 Чиқиш 36 Bible Online

Чиқиш 36 - Ўзбек тилидаги Муқаддас Китоб, 2013 bible

Чиқиш 36

¹Базалил, Охолиёв ва бошқа ҳамма иқтидорли усталар Эгамиз амр этган ҳамма ишларни бажарсинлар. Муқаддас чодир ясашда талаб қилинган ҳар қандай хизматни бажаришлари учун Эгамиз уларга маҳорат ва қобилият ато қилган.”

²Мусо Базалилни, Охолиёвни ва Эгамиз қобилият ато қилган ҳамма иқтидорли усталарни, юраги завқ–шавққа тўлган одамларни чақирди.

³Муқаддас чодирни ясаш учун Исроил халқи олиб келган ҳамма назрларни Мусо усталарга берди. Булардан ташқари, халқ ҳар куни эрталаб Мусога кўнгилдан чиқариб назрлар олиб келишарди.

⁴Ишларни бажараётган ҳамма усталар юмушларини қолдириб,

⁵Мусонинг олдига келиб айтишди:— Эгамиз бизга амр этган ишлар учун халқ етарлисидан ортиқ олиб келяпти.

⁶Шунда Мусо: “Биронта эркак, аёл энди Муқаддас чодир учун назр олиб келмасин”, деб буйруқ берди. Унинг буйруғи қароргоҳ бўйлаб эълон қилинди. Шундан кейин халқ назр олиб келишни тўхтатди.

⁷Халқнинг олиб келган назрлари ишнинг ҳаммасини бажаришга етиб, ҳатто ортиб ҳам қолар эди.</p>

⁸Ишлаётганлар орасидаги энг моҳир одамлар Муқаддас чодирни[228] ясадилар:</p>Моҳир тикувчилар Базалилнинг кўрсатмаси билан чодирнинг ички қаватини қилдилар. У майин зиғир матосидан тикилган ўнта чойшабдан иборат бўлди. Кўк, сафсар ва қирмизи иплар билан карублар тасвирини маҳорат билан ишлаб бу чойшабларни безадилар.

⁹Ҳар бир чойшабнинг бўйи йигирма саккиз тирсак, эни тўрт тирсак[229] эди. Ҳамма чойшабларнинг ўлчови бир хил эди.

¹⁰Улар чойшаблардан бештасининг бўйини бир–бири билан бирлаштириб тикдилар, қолган бештасини ҳам шундай қилдилар.

¹¹Уланган икки бўлак чойшабнинг бир бўйига кўк матодан қилинган элликтадан ҳалқа тикдилар. Ҳар икки томонга тикилган ҳалқалар бир–бирига рўпарама–рўпара эди.

¹³Кейин олтиндан элликта илгак ясадилар, иккала чойшабнинг ҳалқаларини илгаклар билан бир–бирига уладилар. Шунда чодирнинг ички қавати бир бутун бўлди[230].</p>

¹⁴Муқаддас чодирнинг қопламаси учун эчки жуни матосидан ўн битта чойшаб тикдилар.

¹⁵Ҳар битта чойшабнинг бўйи ўттиз тирсак, эни тўрт тирсак[231] эди. Ўн битта чойшабнинг ҳаммаси бир ўлчовда эди.

¹⁶Чойшаблардан бештасининг бўйини бир–бири билан бирлаштириб тикдилар, қолган олтитасини ҳам шундай қилдилар.

¹⁷Уланган икки бўлак чойшабнинг бир бўйига элликтадан ҳалқа тикдилар.

¹⁸Кейин, чодирнинг қопламаси бир бутун бўлсин[232], деб иккала чойшабни бирлаштириш учун бронзадан элликта илгак ясадилар.

¹⁹Бу қоплама устига қўйиш учун қизилга бўялган қўчқор терисидан қоплама, сўнг юмшоқ теридан[233] ташқи қоплама қилдилар.</p>

²⁰Акас ёғочидан[234] Муқаддас чодирни тутиб турадиган ромлар[235] ясадилар.

²¹Ҳар бир ромнинг бўйи ўн тирсак, эни бир ярим тирсак[236] эди.

²²Ҳар бир ромнинг остида бир–бирига параллел бўлган иккита тиргак ясадилар.

²³Чодирнинг жануб томонидаги девор учун йигирмата ром ясадилар.

²⁴Бу ромлар остига қўйиш учун кумушдан қирқта таглик — ҳар бир ром учун иккитадан таглик қилдилар, ҳар бир тиргак остида битта таглик бўлди.

²⁵Чодирнинг шимол томонидаги девор учун йигирмата ром ясадилар.

²⁶Ҳар бир ром остига қўйиш учун иккитадан — қирқта кумуш таглик ясадилар.

²⁷Чодирнинг орқадаги — ғарб томонидаги девор учун олтита ром,

²⁸чодирнинг орқасида бурчаклар ҳосил қилиш учун ҳар икки томонига яна биттадан ром ясадилар.

²⁹Бу иккала ромни пастдан ва юқоридан туташган девордаги охирги ромга бирлаштирдилар. Битта бурчак ҳосил қилиши учун битта ҳалқа билан яхлит қилиб бирлаштирдилар. Ҳар иккала бурчак шу йўл билан ҳосил қилинди.

³⁰Шундай қилиб, ўн олтита кумуш тагликка таянган саккизта ромдан орқадаги девор қилинди, ҳар бир ром остига қўйиш учун иккитадан таглик қилинди.

³¹Муқаддас чодирнинг жануб томонидаги ромларни ушлаб туриш учун акас ёғочидан бешта тамба,

³²шимол томонидаги ромларни ушлаб туриш учун ҳам бешта тамба, орқа томони — ғарб томонидаги ромларни ушлаб туриш учун ҳам бешта тамба ясадилар.

³³Ромларнинг ярмигача ўрнаштирилган ўртадаги тамбалар чодирнинг бошидан охиригача чўзилди.

³⁴Ромларни олтин билан қоплаб, тамбаларни ушлаб турсин, деб олтин ҳалқаларни ромларга бирлаштирдилар[237], тамбаларни ҳам олтин билан қопладилар.</p>

³⁵Майин зиғир матосидан тикилган ички пардани[238] қилдилар. Кўк, сафсар ва қирмизи иплар билан карублар тасвирини маҳорат билан ишлатиб, бу пардани безатдилар.

³⁶Ички парда ушлаб турилиши учун акас ёғочидан тўртта устун ясадилар. Устунларга олтин қоплаб, уларга олтин илгакларни маҳкамладилар. Устунлар учун эритилган кумушдан тўртта таглик ясадилар.</p>

³⁷Чодирга кириш жойи учун майин зиғир матосидан тикилган парда қилдилар. Уни кўк, сафсар ва қирмизи иплардан маҳорат билан тикиб безатдилар.

³⁸Бу парда ушлаб турилиши учун бешта устун ясадилар. Устунларнинг тепасини ва ҳалқаларини олтин билан қопладилар. Устунларнинг бешта таглигини эса бронзадан қилдилар.