Read Ўзбек тилидаги Муқаддас Китоб, 2013 Забур 117 Bible Online

Забур 117 - Ўзбек тилидаги Муқаддас Китоб, 2013 bible

Забур 117

¹Эгамизга шукрона айтинг, У яхшидир,Унинг содиқ севгиси абадийдир.

²Исроил халқи шундай айтсин:“Унинг содиқ севгиси абадийдир.”

³Ҳорун авлоди шундай айтсин:“Унинг содиқ севгиси абадийдир.”

⁴Эгамиздан қўрққанлар шундай айтсин:“Унинг содиқ севгиси абадийдир.”

⁵Кулфатда қолганимда Эгамга илтижо қилдим,Жавоб бериб, У мени озод қилди.

⁶Эгам мен билан бирга, шу боис қўрқмайман.Инсонлар менга нима қила олади?!

⁷Эгам мен билан бирга, У менга мадад беради,Кўзларим душманларим мағлубиятини кўради.

⁸Инсондан умид қилгандан кўра,Эгамиздан паноҳ излаш яхшидир.

⁹Шаҳзодалардан умид қилгандан кўра,Эгамиздан паноҳ излаш яхшидир.

¹⁰Душман халқлар ўраб олган атрофимни,Эгамнинг қудрати билан уларни улоқтирдим.

¹¹Ҳар тарафдан ўраб, менга ҳужум қилганди,Эгамнинг қудрати билан уларни улоқтирдим.

¹²Атрофимни арилардай ўраб олдилар,Тикан алангасидай лов этдилар–да, ўчдилар,Эгамнинг қудрати билан уларни улоқтирдим.

¹³Мени қаттиқ туртганларида, йиқилаёздим,Эгам менга мадад берди.

¹⁴Эгам менинг куч–қудратимдир[309],У менинг қутқарувчимдир.

¹⁵Солиҳларнинг чодирларидаШодлик, зафар қўшиқлари жаранглайди:“Эгамизнинг ўнг қўли мағлуб қилади.

¹⁶Эгамизнинг ўнг қўли баланд кўтарилади,Ҳа, Эгамизнинг ўнг қўли мағлуб қилади.”

¹⁷Мен ўлмайман. Ҳа, мен яшайман,Эгамнинг ишларини нақл қиламан.

¹⁸Эгам мени қаттиқ жазолади,Лекин ўлишимга йўл қўймади.

¹⁹Адолат дарвозаларини менга очинглар,Токи мен дарвозадан кириб,Эгамга шукроналар айтайин.

²⁰Бу Эгамизнинг дарвозасидир,Солиҳлар шу дарвозадан кирсин.

²¹Эй Эгам, ибодатимга жавоб берганинг учун,Менинг нажоткорим бўлганинг учунСенга шукрона айтаман.

²²Бинокорлар рад этган тошБинонинг тамал тоши[310] бўлди.

²³Бу Эгамизнинг қилган ишидир,Кўз олдимиздаги ажойиботдир.

²⁴Эгамиз яратган кундир бу,Бу кунда шод бўлиб, севинайлик.

²⁵Нажот бер бизга, ёлворамиз, эй Эгам!Ёлворамиз, омад бер бизга, эй Эгам!

²⁶Эгамиз номи билан келадиган зот барака топсин,Эгамиз уйидан туриб, сени дуо қиламиз.

²⁷Эгамиз Худодир, У бизга нур берган.Байрам нишонлашни бошланг!Пальма шохларини олиб, қурбонгоҳ олдига боринг[311].

²⁸Сен Худойимсан, Сенга шукр айтаман,Сен Худойимсан, Сени улуғлайман.

²⁹Эгамизга шукрона айтинг, У яхшидир,Унинг содиқ севгиси абадийдир.[312]</p>