Read Ўзбек тилидаги Муқаддас Китоб, 2013 Забур 131 Bible Online

Забур 131 - Ўзбек тилидаги Муқаддас Китоб, 2013 bible

Забур 131

¹Зиёрат қўшиғи.Эй Эгам, эслагин Довудни,У тортган барча азоб–уқубатларни!

²Эй Эгам, у Сенга қасам ичганди.Эй Ёқубнинг қудратли Худоси,У Сенга ваъда берганди:

³“Мен асло уйимга кирмайман,Ёки ўрнимга ётмайман.

⁴Кўзларимга уйқу бермайман,Қовоқларим юмилишига йўл қўймайман.Эгамиз учун бир жой топмагунимча,Ёқубнинг қудратли Худоси учунБир маскан бўлмагунча ҳеч дам олмайман.”

⁶Аҳд сандиғи Эфратда[322], деб эшитгандик,Биз уни Ёр[323] далаларида топиб олдик.

⁷“Эгамизнинг масканига борайлик,Унинг пойига сажда қилайлик”, дедик.

⁸Қани, кел, эй Эгам, оромгоҳинггаҚудратинг рамзи бўлган сандиқ билан бирга.

⁹Руҳонийларинг солиҳликни кийсинлар,Тақводорларинг шодликдан куйласинлар!

¹⁰Ўз қулинг Довуднинг ҳақи–ҳурмати,Танлаган шоҳингни рад қилмагин.

¹¹Эй Эгам, Сен Довудга онт ичган эдинг,Сен шу онтингдан асло қайтмай дейсан:“Ўзингдан бино бўлган ўғилларингданБирини сенинг тахтингга ўтқазаман.

¹²Агар ўғилларинг Менинг аҳдимга риоя қилса,Уларга ўргатган амрларимга итоат этса,Уларнинг ўғиллари ҳамШоҳ бўлиб то абад сенинг тахтингда ўтиради.”

¹³Эй Эгам, Сен Қуддусни[324] танлагансан,У ерни Ўзингга маскан қилишни истагансан.

¹⁴Сен шундай дединг:“Мен то абад яшайдиган жой шу жойдир,Бу ерда истиқомат қилишни истаганман.

¹⁵Унинг озуқаларига мўл қилиб барака бераман,У ердаги фақирларни тўйдираман.

¹⁶Руҳонийларни нажотга буркайман,Тақводорлари шодликдан куйлайдилар!

¹⁷Довуднинг наслини бу ерда кўкартираман,Ўзим танлаган шоҳнинг чироғини ўчирмайман.

¹⁸Унинг ғанимларини шармандаликка ўрайман,Шоҳнинг бошидаги тожи эса порлаб тураверади.”