Read Ўзбек тилидаги Муқаддас Китоб, 2013 Забур 144 Bible Online

Забур 144 - Ўзбек тилидаги Муқаддас Китоб, 2013 bible

Забур 144

¹Довуднинг ҳамду саноси.[354]Эй Худойим, Шоҳим! Сени улуғлайман!То абад Сенинг номингни олқишлайман!

²Ҳар кун Сени олқишлайман,Сенга то абад ҳамду сано айтаман.

³Эгамиз буюкдир, мадҳ этилсин янада,Ақл етмас Унинг буюклигига.

⁴Эй Эгам, бир насл бошқасига мақтар ишларингни,Улар эълон қилар қудратли ишларингни.

⁵Улар шонли дабдабангни, улуғворлигингни сўйлайдилар,Мен эса ажойиб мўъжизаларинг ҳақида ўйлайман[355].

⁶Одамлар қўрқинчли ишларинг қудрати ҳақида айтадилар,Мен эса буюклигингни эълон қилгайман.

⁷Инсонлар чексиз эзгулигингни хотирлаб, гапираверадилар.Адолатингни улар севинч ила куйлайдилар.

⁸Эгамиз иноятли, раҳмдилдир,Жаҳли тез чиқмайди, содиқ севгиси мўлдир.

⁹Эгамиз ҳар кимсага ҳиммат қилар,Яратганларининг ҳар бирига шафқат айлар.

¹⁰Эй Эгам, жамики яратганларинг Сенга шукр айтар,Жамики тақводорларинг Сенга олқишлар куйлар.

¹¹Салтанатинг шуҳратини улар ҳикоя қилар,Сенинг қудратинг ҳақида улар сўйлаб юрар.

¹²Ҳаммани қудратли ишларингдан,Салтанатинг шуҳратию дабдабасидан хабардор қилар.

¹³Сенинг салтанатинг абадий шоҳликдир,Ҳукмронлигинг насллар оша давом этар[356].

¹⁴Йиқилаётганларга Эгамиз таянч бўлади,Икки букилганларнинг қаддини ростлайди.

¹⁵Эй Эгам, ҳамманинг кўзи умид билан Сенга тикилар,Ўз пайтида уларнинг ризқини берасан.

¹⁶Сен қўлингни очиб,Жамики жонзотнинг истагини қондирасан.

¹⁷Эгамиз ҳамма йўлларида адолат қилар,Ҳамма ишларида севгисини кўрсатар.

¹⁸Эгамиз Ўзига ёлворганларнинг ёнидадир,Чин дилдан ёлворганларнинг ёнидадир.

¹⁹Ўзидан қўрққанларнинг тилагини Эгамиз қондирар,Уларнинг ноласини эшитиб, уларга нажот берар.

²⁰Эгамиз Ўзини севгучиларни асрайди,Ҳамма фосиқларни қириб ташлайди.

²¹Эгамизнинг ҳамду саноси доимо тилимда бўлади,Жамики жонзот Унинг муқаддас номини то абад олқишлайди.