Read Ўзбек тилидаги Муқаддас Китоб, 2013 Забур 29 Bible Online

Забур 29 - Ўзбек тилидаги Муқаддас Китоб, 2013 bible

Забур 29

¹<emphasis>Довуд саноси. Эгамизнинг уйи бағишланган пайтда айтилган қўшиқ.</emphasis>

²Эй Эгам, Сени улуғлайман!Қабр оғзидан мени қутқардинг,Душманларим менинг устимдан кулишига йўл қўймадинг.

³Сендан мадад сўраб ёлвордим, эй Эгам Худо,Менга Сен бердинг шифо.

⁴Эй Эгам, ўликлар диёридан[50] жонимни олиб чиқдинг,Қабрга кираётганимда мени қутқардинг.

⁵Эй Эгамизнинг тақводорлари!Эгамизга ҳамду сано куйланглар,Унинг муқаддас номини олқишланг.

⁶Эгамизнинг ғазаби бир лаҳза давом этади,Лутфу карами бир умр тугамасдир.Шу боис қайғу–алам тун бўйи давом этса ҳам,Тонг билан бирга шодлик ҳам кириб келади.

⁷Ишларим юришганда,“Асло қоқилмасман!” дер эдим.

⁸Эй Эгам, лутфу караминг биланМени тоғдай мустаҳкам қилгандинг.Аммо юзингни ўгирганингда,Мен даҳшатга тушдим.

⁹Эй Эгам, мен Сенга илтижо қилдим,Шафқат сўраб, эй Раббий, Сенга ёлвордим:

¹⁰Агар мен кириб кетсам қабрга,Менинг ўлимимдан не фойда Сенга?!Тупроқ Сенга ҳамду сано айтарми?![51]Сенинг содиқлигингни у сўйларми?!

¹¹Эшит, эй Эгам, менга раҳм қилгин,Эй Эгам, менга мададкор бўлгин!

¹²Азамни Сен тўйга айлантирдинг,Аза либосини[52] эгнимдан олиб ташладинг,Шодликни менга кийгиздинг.

¹³Қалбим сукут сақламай, Сени куйлаб сано ўқисин,Эй Эгам Худо, Сенга то абад шукр айтаман.