Read Ўзбек тилидаги Муқаддас Китоб, 2013 Забур 95 Bible Online

Забур 95 - Ўзбек тилидаги Муқаддас Китоб, 2013 bible

Забур 95

¹Эй олам, Эгамизни тараннум этинг!Эгамизга янги бир қўшиқ айтинг.

²Эгамизни тараннум этинг,Унга олқишлар бўлсин,Ҳар кун Унинг нажотидан сўйланг.

³Эълон қилинг элатлар орасида Унинг шуҳратини,Жамики халқлар орасида Унинг ажойиботларини.

⁴Эгамиз буюкдир, кўп мақтовга лойиқдир,Жамики худолардан У иззатлидир.

⁵Зотан, халқларнинг ҳамма худолари бутлардир,Эгамиз эса самоларни яратгандир.

⁶Шуҳрату улуғворлик Унинг ҳузуридадир,Қудрату гўзаллик Унинг Муқаддас масканидадир.

⁷Эгамизга ҳамдлар айтинг, эй замин халқлари!Эгамизнинг қудратию шуҳратига ҳамдлар ўқинг!

⁸Эгамизнинг шарафига ҳамдлар ўқинг!Назрлар келтириб, Унинг ҳовлисига киринг!

⁹Муқаддас либосда[249] Эгамизга сажда қилинг!Эй замин аҳли, Унинг олдида титраб туринг!

¹⁰Элатлар орасида айтингки: “Эгамиз шоҳдир!Олам мустаҳкам ўрнашган, ҳеч қачон тебранмайди,У халқларни ҳаққоний ҳукм қилар.”

¹¹Самолар шод бўлсин, замин қувонсин,Денгизу ундаги ҳамма жонзот гувилласин.

¹²Далалару ундаги ҳар нарса севинч ила жўшсин,Шунда ўрмондаги ҳамма дарахт шодликдан қўшиқ айтсин.

¹³Эгамиз олдида улар қўшиқ айтар, ана, У келаётир,Заминни бошқармоқ учун У келаётир,Оламни адолат ила У бошқарар,Халқларни Ўз ҳақиқати ила бошқарар.