Read Ўзбек тилидаги Муқаддас Китоб, 2013 Сулаймоннинг ҳикматлари 1 Bible Online

Сулаймоннинг ҳикматлари 1 - Ўзбек тилидаги Муқаддас Китоб, 2013 bible

Сулаймоннинг ҳикматлари 1

¹Исроил шоҳи Довуд ўғли Сулаймоннинг[1] Ҳикматлари.

²Бу ҳикматлар донолик ва насиҳатни ўргатади,ҳикматли сўзларни тушунтиради,

³Ақлли кўрсатмаларга,тўғрилик, адолат, одилликка эга қилади,

⁴Соддаларга[2] идрок,ёшларга билим, фаҳму фаросат беради.

⁵Донолар тинглаб билимини кўпайтирсин,идрокли эса йўл–йўриқ олсин.

⁶Бу ҳикматлар — маталларни, жумбоқларни,дононинг сўзларини ва топишмоқларини тушуниш учундир.

⁷Эгамиздан қўрқиш[3] илму маърифатнинг бошидир[4].Донолик ва насиҳатдан нафратланган эса нодондир[5].</p>

⁸Ўғлим[6], отанг насиҳатларига қулоқ сол,онанг ўгитларини рад этма,

⁹Чунки улар бошингга гўзал гулчамбар,бўйнингга маржондайдир.

¹⁰Ўғлим, агар гуноҳкорлар сени йўлдан урмоқчи бўлса,бўйин берма.

¹¹Агар улар: “Кел, бизга қўшил, пистирма қўйиб қон тўкайлик,айбсизнинг йўлини важсиз тўсайлик,

¹²дўзахга[7] ўхшаб уни тириклайин ўз қаъримизга тортайлик,чуқур каби бутунлайин ютиб юборайлик,

¹³ҳар хил бойликларни тортиб олиб,уйимизни ўлжа билан тўлдирайлик,

¹⁴ҳамма нарса ўртада бўлсин,ҳамёнимиз битта бўлсин”, — деб айтсалар,

¹⁵ўғлим, уларнинг йўлидан юрма,бир қадам ҳам босма.

¹⁶Чунки улар қон тўкишга тайёрдирлар,оёқлари ёвузликка шошилади.

¹⁷Қушларнинг кўзи олдида тўр қўйиш фойдасиздир.

¹⁸Ёвузлар ўзларининг қони тўкилишини кутадилар,ўзларининг жонларини пойлайдилар.

¹⁹Очкўзлик билан тортиб оладиганларнинг аҳволи шу!Улар ўз ҳаётига зомин бўлади.</p>

²⁰Донолик[8] кўчада чақиради.Майдонда баланд овоз билан ҳайқиради.

²¹Гавжум кўчанинг бошида,шаҳар дарвозаларида[9] жар солади.

²²“Эй, нодонлар, қачонгача нодон бўлиб юраверасиз?!Сиз–чи, мазах қилувчилар, қачонгача мазах қилишдан завқланасиз?!Ақлсизлар, қачонгача илму маърифатдан нафратланасиз?!

²³Панд–насиҳатларимга қулоқ солинглар.Мана, сизларга руҳимни бераман.Сўзларимни очаман.

²⁴Лекин сизларни чақирганимда рад этдингиз,қўлларимни узатганимда, эътибор бермадингиз.

²⁵Маслаҳат, панд–насиҳатларимнингҳеч бирини қабул қилмадингиз.

²⁶Шунинг учун бошингизга фалокат келганда, мен ҳам куламан.Ваҳимага тушганингизда, мазах қиламан.

²⁷Ваҳима бўрондай, фалокат эса тўфондай келганда,кулфату машаққатлар бошга тушганда,

²⁸улар мени чақирадилар, лекин жавоб бермайман.Улар мени қидирадилар, излайдилар, лекин тополмайдилар.

²⁹Чунки улар илм–маърифатдан нафратландилар,Эгамиздан қўрқишни танламадилар.

³⁰Маслаҳатларимни, ўгитларимни қабул қилмадилар.

³¹Шунинг учун ўз қилмишларининг мевасини еб,пушаймон бўлиб қоладилар.

³²Нодонлар йўлдан адашиб ўзини ўлдиради,ақлсизларнинг беғамлиги эса ўзларини ҳалок қилади.

³³Лекин менга қулоқ солганлар осойишта ҳаёт кечиради,ёмонликнинг ваҳимасидан халос бўлади.”