Read Ўзбек тилидаги Муқаддас Китоб, 2013 Сулаймоннинг ҳикматлари 2 Bible Online

Сулаймоннинг ҳикматлари 2 - Ўзбек тилидаги Муқаддас Китоб, 2013 bible

Сулаймоннинг ҳикматлари 2

¹Ўғлим[10], насиҳатларимни қабул қилиб,амрларимни юрагингда сақласанг,

²Доноликка қулоқ солиб,қалбингни фаҳм–идрокка очсанг,

³Фаросатга ташна,идрокка чанқоқ бўлсанг,

⁴Уни кумуш излагандай изласанг,яширин хазина қидиргандай қидирсанг,

⁵Эгамиздан қўрқиш[11] нималигини тушунасан,Худо кимлигини биласан.

⁶Чунки доноликни Эгамиз беради,билим ва идрок Унинг оғзидан чиқади.

⁷У тўғри одам учун нажот сақлайди,тўғри юрадиганга Ўзи қалқон бўлади.

⁸Адолатли инсонни ҳимоя қилади,Унга содиқ бўлганнинг йўлини қўриқлайди.

⁹Шунда сен тўғрилик, адолат, одиллик,яъни тўғри йўл нима эканлигини тушунасан.

¹⁰Чунки юрагингга донолик киради,руҳинг эса билимдан завқланади.

¹¹Фаҳм–фаросат сени ҳимоя қилади,ақл–идрок эса қўриқлайди.

¹²Ёмон йўлдан,ёвуз гапирадиганлардан асрайди.

¹³Улар тўғри йўлни ташлаб,қоронғиликда юради.

¹⁴Ёмон ишлардан хурсанд бўлади,ёвузликдан қувонади.

¹⁵Улар йўлдан адашган,сўқмоқлари эса эгридир.

¹⁶Сени зинокордан,тилёғлама бузуқ аёлдан сақласин.

¹⁷У ёшлигидаги умр йўлдошини ташлаб,Худо олдида берган аҳдини бузган.

¹⁸Унинг уйи ўлимга[12],йўллари эса ўликларнинг олдига олиб боради.

¹⁹Унинг олдига борган қайтиб келмайди,ҳаёт сўқмоқларига етмайди.

²⁰Шунинг учун яхши одамларнинг йўлидан юргин,солиҳларнинг йўлидан чиқмагин.

²¹Чунки тўғри одам ўша ерда яшайди,пок одам у ерда қолади.

²²Фосиқ эса ердан қириб ташланади,вафосиз йўқ қилинади.