Read Ўзбек тилидаги Муқаддас Китоб, 2013 Сулаймоннинг ҳикматлари 21 Bible Online

Сулаймоннинг ҳикматлари 21 - Ўзбек тилидаги Муқаддас Китоб, 2013 bible

Сулаймоннинг ҳикматлари 21

¹Шоҳнинг юраги Эгамизнинг қўлида,уни ирмоқдай хоҳлаган томонга буради.

²Одамнинг қилмишлари ўзининг назарида тўғри,аммо Эгамиз юракларни синайди.

³Адолату ҳақиқатга амал қилишЭгамизга қурбонликдан афзалроқдир.

⁴Такаббур кўзлар ва мағрур юрак чироқ каби фосиқнинг гуноҳини кўрсатади.

⁵Меҳнаткашнинг режаси фақат мўл–кўлчилик келтиради,шошқалоқ камбағалликка учрайди.

⁶Ёлғон билан бойлик топадиганларчиқиб кетадиган буғ кабидир, ўз ўлимини излайди.

⁷Ёвузнинг зўравонлиги бошига етади,чунки адолат билан иш қилишни рад этади.

⁸Гуноҳкорнинг йўли — эгри,софдилнинг иши — тўғри.

⁹Уришқоқ хотин билан кенг уйда умр кечиргандан кўра,чордоқда яшаган афзал.

¹⁰Ёвузнинг кўнгли ёмонликка ташна,қўшниси ундан раҳм–шафқат топмайди.

¹¹Мазах қилувчи жазоланса, содда[72] одамлар доно бўлади,донога йўл–йўриқ берилса, билими ошади.

¹²Худо одилдир, фосиқнинг уйини У кузатиб туради,у фосиқни ҳалокатга мубтало қилади.

¹³Камбағалнинг йиғисига ким қулоқ солмаса,ўзи йиғлаганда ҳам ҳеч ким жавоб бермайди.

¹⁴Яширинча берилган совға жаҳлни юмшатади,енг ичидаги пора эса қаттиқ ғазабни.

¹⁵Адолатга амал қилиш солиҳларга севинч,фосиқларга эса қўрқинчдир.

¹⁶Ақл–идрок йўлидан чиққанлар ўликлар орасидадир.

¹⁷Зиёфатни севган қашшоқлашади,шароб билан мойни яхши кўрган одам бой бўлмайди.

¹⁸Фосиқ солиҳдан,хоин эса тўғри кишилардан кўра, кўпроқ азоб чекади.

¹⁹Уришқоқ ва баджаҳл хотин билан яшагандан кўра,чўлу биёбонда яшаш яхшироқ.

²⁰Дононинг уйида ёғ ҳам, энг яхши нарсалар ҳам бор,ақлсиз эса уни сарфлаб юборади.

²¹Тўғрилик ва иноят пайида бўлганларузоқ умр, солиҳлик ва шон–шуҳратга эришади.

²²Доно энг қудратли шаҳарга бориб,таянч бўлган қалъани ҳам вайрон қилади.

²³Оғзини ва тилини қўриқлаганўз жонини ташвишлардан асрайди.

²⁴Такаббур ва мағрурнинг номи “мазахчи”,ҳамма нарсани манманлик билан қилади.

²⁵Дангасанинг орзуси ўлимга олиб келади,чунки қўллари ишга бормайди.

²⁶Дангасанинг куни баднафслик билан ўтади,солиҳ эса аямасдан беради.

²⁷Фосиқларнинг қурбонлиги жирканчдир,ёвуз ният билан келтирилгани эса ундан ҳам баттар.

²⁸Сохта гувоҳ йўқ бўлади,ҳақиқатга қулоқ солган эса қолади.

²⁹Фосиқнинг юзи қаттиқ,тўғри одам эса ўз йўлини билади.

³⁰Эгамизга қарши донолик ҳам,идрок ҳам, режа ҳам йўқ.

³¹От жанг куни учун тайёрланади,ғалаба эса Эгамизнинг қўлида.