Read Ўзбек тилидаги Муқаддас Китоб, 2013 Сулаймоннинг ҳикматлари 23 Bible Online

Сулаймоннинг ҳикматлари 23 - Ўзбек тилидаги Муқаддас Китоб, 2013 bible

Сулаймоннинг ҳикматлари 23

¹Ҳоким билан овқатланишга ўтирганда,олдингга қўйилган нарсаларга назар сол.

²Агар иштаҳанг катта бўлса,бўғзингга пичоқ қўй.

³Унинг неъматларини кўнглинг тусамасин,чунки у алдайдиган таомдир.</p>

⁴Бой бўлай деб кўп ҳаракат қилма,фаҳму фаросат билан бу фикрингдан воз кеч.

⁵Бойлик кўз очиб–юмгунча йўқ бўлади,қанот қоқиб бургутдай осмонга учиб кетади.</p>

⁶Хасиснинг овқатидан ема,унинг неъматларини кўнглинг тусамасин.

⁷Чунки у кўнглида ўзининг фойдасини ҳисоблайди[77],“Егин, ичгин”, — дейди–ю, кўнгли сен билан эмас.

⁸Еган луқмангни қайт қиласан,ширин сўзларинг ҳавога учиб кетади.</p>

⁹Аҳмоққа гап гапирма,ҳикматли сўзларингни рад этади.</p>

¹⁰Қадимий чегараларни бузма[78],етимларнинг даласини тортиб олма.

¹¹Чунки уларнинг Ҳимоячиси қудратли,У етимларнинг тарафини олади.</p>

¹²Юрагингни насиҳатга,қулоқларингни эса идрок сўзларига оч.</p>

¹³Боладан танбеҳни аяма,чунки таёқ билан урсанг ўлмайди.

¹⁴Таёқ билан уриб жазоласанг,жонини дўзахдан[79] сақлайсан.</p>

¹⁵Ўғлим[80], қалбингда донолик бўлса,юрагим қувонади.

¹⁶Тилингдан тўғри сўз чиқса,кўнглим ҳам шодланади.</p>

¹⁷Гуноҳкорларга ҳавас қилма,доим Эгамиздан қўрқиб[81] юр.

¹⁸Чунки албатта келажак бор,умидинг рўёбга чиқади.</p>

¹⁹Ўғлим, тинглаб доно бўл,юрагингни тўғри йўлга сол.

²⁰Майхўр ва очкўзлик билан гўшт ейдиганлар орасида бўлма.

²¹Чунки майхўр ва очкўз қашшоқ бўлади,уйқучилик эса жулдур кийим кийдиради.</p>

²²Сени дунёга келтирган отангга қулоқ сол,онанг қариганда хор қилма.

²³Ҳақиқатни сотиб ол,донолик, йўл–йўриқ, идрок ҳам ол, уларни сотма.

²⁴Солиҳ отасининг бошини кўкка етказади,доно фарзанд[82] уни хурсанд қилади.

²⁵Ота–онанг сендан хурсанд бўлсин,сенга ҳаёт берган онанг шод бўлсин.</p>

²⁶Ўғлим, менга қалбингни оч,кўзларинг ишларимни кузатсин.

²⁷Чунки бузуқ хотин — тубсиз чоҳ,зинокор хотин тор қудуқдир.

²⁸У қароқчи каби пойлаб туради,одамлар орасида вафосизликни орттиради.</p>

²⁹Қайғу кимда, ким ғам–ташвиш тортади,ким жанжал қилади, шикоят қилган ким?Ким сабабсиз яраланади?Кимнинг кўзлари қип–қизил?

³⁰Шароб ичишга берилганлар,хуш ҳидли майни тотиб кўришга кўп борган.

³¹Шаробнинг қизиллигига,қадаҳда чўғдай товланишига,текис қуйилишига қарама.

³²Охирида у илон каби чақади,қора илондай заҳар сочади.

³³Кўзларинг ғалати нарсаларни кўради,юрагингда эгри фикрлар бўлади.

³⁴Денгиз ўртасида ётгандай,кема устунида ухлагандай бўласан.

³⁵“Мени урдилар, оғримади,калтакладилар, лекин билмадим.Қачон уйғонаман?!Яна бир ичай”, — дейсан.