Read Ўзбек тилидаги Муқаддас Китоб, 2013 Сулаймоннинг ҳикматлари 24 Bible Online

Сулаймоннинг ҳикматлари 24 - Ўзбек тилидаги Муқаддас Китоб, 2013 bible

Сулаймоннинг ҳикматлари 24

¹Фосиқларга ҳавас қилма,улар билан бирга бўлишга интилма.

²Чунки улар зўравонликни ният қилади,тиллари эса ёмонликни гапиради.</p>

³Уй донолик билан қурилади,идрок билан мустаҳкам бўлади.

⁴Хоналар эса билим билан турли қимматбаҳо,қимматли бойликка тўлади.</p>

⁵Доно сипоҳлар кучли сипоҳлардан[83],илм–маърифатлилар эса кучи борлардан қудратлироқдир.

⁶Яхши одам йўл–йўриқ билан урушга боради,маслаҳатчилар кўплиги туфайли ғалаба қилади.</p>

⁷Аҳмоқ доноликка етишмайди,ҳукмда оғзини оча олмайди.</p>

⁸Ёмон ният қилувчининг номи шаккокдир.

⁹Аҳмоқлик билан тузилган режа гуноҳдир,мазахчидан одамлар жирканади.</p>

¹⁰Ташвишли кунда ожиз бўлганнинг кучи камдир.</p>

¹¹Ўлимга маҳкум бўлганларни,дорга олиб кетилаётганларни қутқар.

¹²“Билмайман”, — десанг ҳам,юракни синайдиган Худо кўрмайдими,жонни асрайдиган буни билмайдими?Ҳаммага уларнинг ишига яраша қайтармайдими?</p>

¹³Ўғлим[84], асал еб кўргин, у яхши,асалари муми оғзингга шириндир.

¹⁴Донолик жонингга асалдайдир,унга эришсанг келажагингни топасан,умидинг рўёбга чиқади.</p>

¹⁵Эй, фосиқ, солиҳнинг уйига пистирма қурма,уй–жойига тегма.

¹⁶Солиҳ етти марта йиқилса ҳам туриб кетаверади,фосиқ эса ҳалокатга учрайди.</p>

¹⁷Душманинг йиқилганда севинма,қоқилгани учун юрагинг қувонмасин.

¹⁸Бўлмаса Эгамиз буни кўриб ёқтирмай,ғазабини ундан ўгиради.</p>

¹⁹Фосиқлардан жаҳлинг чиқмасин,ёмонларга ҳавас қилма.

²⁰Чунки ёмонларнинг келажаги йўқ,фосиқларнинг чироғи эса ўчиб қолади.</p>

²¹Эй, ўғлим, Эгамиздан ҳам, шоҳдан ҳам қўрқ,уларга қарши бош кўтарма[85].

²²Чунки улардан кулфат кутилмаганда келади,икковидан келадиган ҳалокатни ким билади?!</p>

²³Қуйидаги сўзлар ҳам донолардан.Ҳукмда тарафгарчилик қилиш яхши эмас.

²⁴Фосиққа “солиҳсан” деганни эл лаънатлайди,халқлар ундан нафратланади.

²⁵Унга танбеҳ берганлардан хурсанд бўлади,улар қут–барака топадилар.

²⁶Тўғри жавоб берадиганларни эса ҳамма севади.

²⁷Ташқаридаги юмушингни бажар,даладаги барча ишларингни тартибга сол,кейин уйингни қургин.

²⁸Сабабсиз ўзгага қарши гувоҳлик берма,тилинг билан алдама.

²⁹“Менга нима қилган бўлса, мен ҳам шундай қиламан,қилмишига яраша қайтараман”, — дема.

³⁰Дангасанинг даласидан,нодоннинг узумзори ёнидан ўтдим.

³¹Ана, ҳамма ёқ тиканзор,ҳамма ерда қичитқи ўт,тош девор ҳам қулаб, ер билан битта бўлиб ётибди.

³²Қараб, ўйлаб кўрдим,уни кўриб сабоқ олдим.

³³“Бироз ухлай, бир мизғиб олай,ёнбошлаб бирпас дам олай”, — дейди.

³⁴Шунинг учун қашшоқлик йўлтўсардай,муҳтожлик эса қароқчидай устига келади.