Read Ўзбек тилидаги Муқаддас Китоб, 2013 Сулаймоннинг ҳикматлари 26 Bible Online

Сулаймоннинг ҳикматлари 26 - Ўзбек тилидаги Муқаддас Китоб, 2013 bible

Сулаймоннинг ҳикматлари 26

¹Ақлсизга иззат–ҳурмат кўрсатишёзда ёққан қор, йиғим–терим пайтидаги ёмғир кабидир.

²Қушлар бекорга осмонга кўтарилмагандай,сабабсиз лаънат ҳам одамга тегмайди.

³Отга — қамчи, эшакка — сувлуқ,ақлсизнинг орқасига эса — таёқ.

⁴Нодонга нодонлигига яраша жавоб берма,бўлмаса сен ҳам унга ўхшаб қоласан.

⁵Нодонга нодонлигига яраша жавоб бер,тағин ўзича доно бўлиб кетмасин.

⁶Ақлсиз орқали хабар юборган одамоёғини кесиб ташлагандай азоб чекади.

⁷Аҳмоқнинг оғзидаги матал чўлоқ оёқдайдир.

⁸Ақлсизга иззат–ҳурмат кўрсатишпалахмонга тош боғлаб қўйиш кабидир.

⁹Нодоннинг тилидаги маталмастнинг қўлидаги тикандайдир.

¹⁰Аҳмоқни ва йўлдан ўтган ҳар бир мастни ёллаган одамтўғри келганни отадиганга ўхшайди.

¹¹Ўз қусуғига қайтиб келадиган ит каби,нодон ҳам ўз ақлсизлигини такрорлайди.

¹²Ўзини доно деб ўйлаганни кўрганмисан?Ундан кўра, ақлсиздан умид кўпроқ.

¹³Дангаса: “Кўчада шер бор,у очиқ майдонда юрибди”, — дейди.

¹⁴Эшик ўз ўқида айланади,танбал эса ўз ўрнида.

¹⁵Дангаса қўлини косага чўзади–ю,оғзига олиб келишга эринади.

¹⁶Танбал ўз назаридафаросат билан гапирадиган етти кишидан ҳам донороқ.

¹⁷Бошқаларнинг жанжалига аралашгандайди итнинг қулоғидан чўзгандайдир.

¹⁸Телба ўт, найза ва ўлим ёғдиради.

¹⁹Бировни алдаб: “Фақат ҳазиллашган эдим” деган ҳам шундай.

²⁰Ўтин бўлмаса, ўт ўчиб қолади,чақимчи бўлмаса, жанжал тўхтайди.

²¹Кўмир — чўғ учун, ўтин — олов учун,уришқоқ эса жанжал чиқариш учундир.

²²Ғийбатчининг сўзи — энг ширин овқат,бутун аъзойи баданга сингиб кетади.

²³Ширин сўзли ёмон ниятли одамкумуш[88] суви юритилган сопол идиш кабидир.

²⁴Душман тилида бошқача сўзлайди,дилида эса алдашни ният қилади.

²⁵У юмшоқ сўзлаганда ишонма,чунки юраги қабиҳликка тўла.

²⁶Нафрат ёлғон билан яширилган бўлса ҳам,ёмонлиги эл–юртга ошкор бўлади.

²⁷Бировга чуқур қазиганнинг ўзи унга тушади,тош думалатганга эса ўша тош қайтади.

²⁸Ёлғончи тил ўзи яралаганни ёмон кўради,хушомадгўй эса ҳалокат келтиради.