Read Ўзбек тилидаги Муқаддас Китоб, 2013 Сулаймоннинг ҳикматлари 29 Bible Online

Сулаймоннинг ҳикматлари 29 - Ўзбек тилидаги Муқаддас Китоб, 2013 bible

Сулаймоннинг ҳикматлари 29

¹Танбеҳ олса ҳам ўжарлигича қоладиган одамбирданига ҳалокатга учрайди, шифо топмайди.

²Солиҳлар кўпайганда халқ севинади,фосиқ ҳукмрон бўлганда эса фиғон чекади.

³Доноликни севган ўғил отасини севинтиради,фоҳиша билан алоқада бўлган мол–мулкини барбод қилади.

⁴Шоҳ юртни адолат билан мустаҳкамлайди,совғани севадиган эса хароб қилади.

⁵Дўстига хушомад қилган одамўз[95] оёқларига тузоқ қўйгандай бўлади.

⁶Фосиқнинг гуноҳи қопқон,солиҳ эса қўшиқ айтиб қувонади.

⁷Солиҳ ожизнинг ҳақ–ҳуқуқини билади,фосиқда эса бундай тушунча ҳам йўқ.

⁸Мазах қилувчилар шаҳарда тўполон қилади,донолар эса ғазабни тинчлантиради.

⁹Доно аҳмоқ билан судлашганда,аҳмоқ аччиқланса ҳам, кулса ҳам ҳаловат нима билмайди.

¹⁰Қонхўр покдил инсондан нафратланади,тўғрининг жонини олмоқчи бўлади[96].

¹¹Нодон бор жаҳлини тўкиб солади,доно эса ичида сақлайди.

¹²Ҳукмдор ёлғонга қулоқ солса,барча хизматкорлари фосиқ бўлади.

¹³Золим билан ожизнинг бир ўхшашлиги бор:икковига ҳам Эгамиз кўз нури берган.

¹⁴Шоҳ камбағални адолат билан ҳукм қилса,унинг тахти абадий мустаҳкам туради.

¹⁵Қамчи билан насиҳат ақл беради,ўз ҳолига ташлаб қўйилган бола эсаонасига уят келтиради.

¹⁶Фосиқ кўпайганда гуноҳ ҳам кўпаяди,солиҳ эса фосиқнинг ҳалокатини кўради.

¹⁷Фарзандингга[97] тарбия бер:у сенга ором беради,қалбингни шодликка тўлдиради.

¹⁸Ваҳий бўлмаса эл–юрт йўлдан озади,Худонинг қонунига амал қилган бахтлидир!

¹⁹Қул фақат сўз билан тарбияланмайди,сўзни тушунса ҳам амал қилмайди.

²⁰Шошилиб гапирадиганни кўрганмисан?Ундан кўра, нодонда умид кўпроқ.

²¹Қулни ёшлигидан эркалатиб ўстирса,оқибатда хўжайинига қайғу бўлади[98].

²²Сержаҳл одам жанжал чиқаради,серзарда эса кўп гуноҳ қилади.

²³Одамнинг мағрурлиги уни паст қилади,камтарин эса иззат–ҳурмат топади.

²⁴Ўғрига шерик бўлган ўз жонини ёмон кўради,у танбеҳ эшитса ҳам чурқ этмайди.

²⁵Одамдан қўрқиш тузоққа илинтиради,Эгамизга умид боғлаган эсахавф–хатардан холи бўлади.

²⁶Ҳукмдор марҳаматини қидирган кўп,лекин инсонни ҳукм қиладиган Эгамиздир.

²⁷Фосиқ солиҳга жирканч,тўғри юрадиган эса фосиққа жирканчдир.