Read Ўзбек тилидаги Муқаддас Китоб, 2013 Сулаймоннинг ҳикматлари 30 Bible Online

Сулаймоннинг ҳикматлари 30 - Ўзбек тилидаги Муқаддас Китоб, 2013 bible

Сулаймоннинг ҳикматлари 30

¹Ёхининг ўғли Ағурнинг Ихтиёлга берган, Ител ва Ўхалга айтган сўзлари[99]:

²“Ростдан ҳам одамлар орасида энг ақлсизи эканман,инсоннинг ақл–идроки менда йўқ.

³На доноликни ўрганибман,на Худони билибман.

⁴Ким осмонга кўтарилган, осмондан тушган?Шамолни ҳовучларига йиққан ким?Ким сувни ўз кийимига ўраган?Ернинг барча чегараларини ўрнатган ким?Унинг исми нима?Ўғлининг исми–чи?Биласан–ку!

⁵Худонинг ҳар бир сўзи ҳақиқатдир,Ўзи эса Унга умид боғлаганнинг қалқони.

⁶Унинг сўзларига қўшма,У жазоласа, ёлғонинг фош этилса нима қиласан?

⁷Сендан икки нарсани сўрайман,ўлмасимдан олдин қилгин.

⁸Сохталик ва ёлғонни мендан узоқлаштир,менга қашшоқлик ҳам, бойлик ҳам эмас,фақат насибамни бергин.

⁹Қорним тўйганда: “Эгам ким ўзи?” деб айтмайин,камбағалликдан ўғирлик қилиб Уни бадном қилмайин.

¹⁰Қул сени лаънатламаслиги учун эгасига ёмонлама,бўлмаса жазоланасан.

¹¹Шундай насл борки, отасига лаънат ўқийди,онасини дуо қилмайди.

¹²Шундай насл борки, ўзининг назарида пок,лекин ифлослигидан тозаланмаган.

¹³Шундай насл бор, кўзлари қанчалик такаббур,қарашлари эса мағрур.

¹⁴Шундай насл борки, тишлари — қилич,қозиқ тишлари эса пичоқ,ер юзидан камбағални,одамлар орасидан муҳтожни йўқотади.

¹⁵Зулукнинг икки қизи бор:“Бер, бер!” — деб айтади.Ҳеч қачон қониқмайдиган уч нарса,етарли, демайдиган тўрт нарса бор.

¹⁶Дўзах[100], бепушт бачадон,сувсираган тупроқ ҳамда олов, етарли, демайди.

¹⁷Отани мазахлайдиган,онага бўйсунишни рад этадиган кўзларни қузғунлар чўқийди,калхат болалари ейди.

¹⁸Мени ҳайрон қолдирадиган уч нарса бор,тўрт нарса борки, ақлимга сиғмайди:

¹⁹Ҳаводаги бургутнинг йўли,тош устидаги илоннинг йўли,денгиз ўртасидаги кеманинг йўли ҳамдақизга юрадиган эркакларнинг йўли.

²⁰Зинокор аёлнинг йўли ҳам шундайдир:у еб бўлгач, оғзини артиб:“Ҳеч бир эгрилик қилмадим–ку!” — дейди.

²¹Ер уч нарсадан ларзага келади,тўрт нарсани кўтара олмайди:

²²Қул шоҳлик қилганда,аҳмоқ тўйганда,

²³Ёмон кўрилган аёл эрга текканда,чўри бекасининг ўрнини олганда.

²⁴Ер юзида тўртта кичкина нарса бор,лекин ўта доно:

²⁵Чумолилар заиф,лекин егулигини ёзда тайёрлайди.

²⁶Бўрсиқ камқувват,лекин инини қояга қуради.

²⁷Чигирткаларнинг[101] сардори йўқ,лекин барчаси ҳамжиҳат юриш қилади.

²⁸Ўргимчакни[102] қўл билан ушласа бўлади,лекин саройда ҳам юради.

²⁹Юриши салобатли уч нарса,қадами улуғвор тўрт нарса бор:

³⁰Шер ҳайвонлар ичида энг кучлиси,ҳеч нимадан қочмайди.

³¹Мақтаниб юрадиган хўроз[103],серка ва ғолиб шоҳ[104].

³²Ўзингни юқори қўйиб аҳмоқликёки ёмон ният қилган бўлсанг,оғзингни қўлинг билан юм.

³³Чунки кув пишса ёғ чиқади,бурунга урса қонайди,жаҳлни қўзғатса жанжал чиқади.”