Read Ўзбек тилидаги Муқаддас Китоб, 2013 Сулаймоннинг ҳикматлари 5 Bible Online

Сулаймоннинг ҳикматлари 5 - Ўзбек тилидаги Муқаддас Китоб, 2013 bible

Сулаймоннинг ҳикматлари 5

¹Ўғлим[22], донолигимга эътибор бер,ақл–идрокимга қулоқ сол,

²токи фаҳм–фаросатинг йўқолмасин,билиминг сақлансин.

³Бузуқ аёлнинг тилидан бол томади,сўзлари — малҳамдай юмшоқ,

⁴аммо оқибати заҳардай аччиқ,ханжардай ўткирдир.

⁵Оёқлари ўлим томон юради,қадамлари ўликлар диёрига[23] етаклайди.

⁶У ҳаётга олиб борадиган йўлга эътибор бермайди,йўллари беқарор, ўзи буни билмайди.

⁷Ўғлим[24], менга қулоқ сол,сўзларимдан чиқма.

⁸У аёлдан узоқроқ юр,унинг эшигига яқинлашма.

⁹Бўлмаса ўз обрўингни бегоналарга,ҳаётингни эса ёвузларга берасан.

¹⁰Бойлигингдан бегоналар баҳраманд бўлади,меҳнат билан топган мол–мулкинг ўзгаларнинг уйида бўлади.

¹¹Умринг охирида,вужудингу танангдан асар қолмагач,фарёд қиласан.

¹²Ўшанда шундай дейсан:“Мен интизом ва танқиддан қанчалик нафратланар эдим–а,

¹³На устозларимга,на насиҳат берганларга қулоқ солибман.

¹⁴Ана, оқибат жамоа ичидаҳалокат қирғоғига келиб қолдим.”

¹⁵Ўз сардобангдаги,ўз қудуғингдаги сувни[25] ичавер.

¹⁶Булоқларинг ташқарида,ирмоқларинг кўчада оқсинми?

¹⁷Уни бегоналар билан баҳам кўрма,фақат ўзингники бўлсин.

¹⁸Булоғинг сувлари муборак бўлсин,кўз очиб кўрганинг билан қувонгин.

¹⁹Жозибали оҳу ва гўзал кийик!Унинг оғуши сени қониқтирсин,доим унинг севгиси билан қаноатлангин.

²⁰Нега энди, ўғлим, бегона хотинни кўнглинг қўмсайди?Нимага бегона аёлнинг оғушини қучасан?

²¹Инсоннинг хатти–ҳаракатлариЭгамизнинг кўзи олдида,одамнинг барча ишларини кузатиб туради.

²²Фосиқнинг ишлари унинг ўзини ушлайди,гуноҳлари эса занжирга солади.

²³У интизомсизлигидан ўлади,аҳмоқлиги туфайли йўлдан озади.