Read Ўзбек тилидаги Муқаддас Китоб, 2013 Сулаймоннинг ҳикматлари 7 Bible Online

Сулаймоннинг ҳикматлари 7 - Ўзбек тилидаги Муқаддас Китоб, 2013 bible

Сулаймоннинг ҳикматлари 7

¹Ўғлим[28], сўзларимни асра,амрларимни дилингда сақла.

²Амрларимни сақлаб яша,таълимотимни кўз қорачиғингдек асра.

³Уларни бармоғингга боғла,юрагинг қаърига ёзиб қўй.

⁴Доноликни синглим,ақл–идрокни эса қардошим деб атагин.

⁵Улар сени зинокордан,тилёғлама бузуқ аёлдан асрайди.</p>

⁶Уйимнинг дераза панжараси ортидан қарадим,

⁷содда[29] ёшларнинг орасида,бир ақлсиз йигитни кўриб қолдим.

⁸Йигит кўчадан ўтиб,зинокор аёлнинг уйи томон кетаётган эди.

⁹Оқшом. Кеч.Тун қоронғи эди.

¹⁰Шунда фоҳишага ўхшаб кийинган,маккор ниятли аёл уни кутиб олгани чиқди.

¹¹У шаллақи, ўжар, ҳеч қачон уйида турмайди.

¹²Бир қарасанг кўчада, бир қарасанг майдонда,яна бир қарасанг ҳар хил бурчакда турган бўлади.

¹³У йигитни қучоқлаб, ўпиб,беномусларча шундай деди:

¹⁴“Бугун қурбонлик келтирдим,ваъдаларимни бажардим[30].

¹⁵Шунинг учун сени кутиб олишга чиқдим,сени қидириб топдим.

¹⁶Ўрнимни Мисрдан келтирилган рангли мато билан безадим.

¹⁷Мирра, долчин, хушбўй атирлар сепдим.

¹⁸Қани, юр, тонгга қадар куёв–келиндай роҳат қилайлик,ҳузур–ҳаловат қилайлик.

¹⁹Эрим ҳозир уйда эмас,узоқ сафарга кетган.

²⁰Бир ҳамён кумуш танга олиб кетган,ой тўлмагунча қайтиб келмайди.”

²¹Кўп ширин сўзлар ва мулойим гаплар билану йигитни йўлдан урди.

²²Йигит ўша заҳотиёқ, қушхонага кетаётган ҳўкиздай,тузоққа оёқ қўяётган кийикдай[31] унинг орқасидан эргашди.

²³У тузоққа кираётган қушдай,найза жигарига тегмагунча ҳаётини йўқотишини билмайди.

²⁴Ўғилларим, менга қулоқ солиб,сўзларимга эътибор беринглар.

²⁵Юрагингиз ўша аёлнинг йўлига бурилмасин,унинг сўқмоқларида адашманг.

²⁶У кўпларни ҳалок қилди,қурбонлари ҳам кўп.

²⁷Унинг уйи ўликлар диёрига[32] етакловчи йўлдир,ўлимга олиб боради.