Read Ўзбек тилидаги Муқаддас Китоб, 2013 Сулаймоннинг ҳикматлари 9 Bible Online

Сулаймоннинг ҳикматлари 9 - Ўзбек тилидаги Муқаддас Китоб, 2013 bible

Сулаймоннинг ҳикматлари 9

¹Донолик уй қурди,уйининг етти устунини қўйди.

²Қурбонлик келтирди,шароб тайёрлаб, дастурхон ёзди.

³Хизматкорларини шаҳарнинг энг баланд жойига юбориб,улар орқали:

⁴“Ким содда[39] бўлса, бу ёққа келсин”, — деб чақирди,ақлсизларга шундай деди:

⁵“Келинглар, таомимдан енглар.Мен тайёрлаган шаробдан ичинглар.

⁶Ғафлатдан воз кечинглар, шунда яшайсизлар,идрок йўлидан юринглар.”

⁷Мазах қилувчига танбеҳ берган таҳқирланади,фосиқнинг хатосини айтган ҳақоратланади.

⁸Мазах қилувчига танбеҳ берма, бўлмаса сендан нафратланади.Донога танбеҳ бер, шунда сени севади.

⁹Донога ўргатсанг, янада донороқ бўлади.Солиҳни ўқитсанг, билимини кўпайтиради.

¹⁰Эгамиздан қўрқиш[40] доноликнинг бошидир[41],Худони билиш идрокдир.

¹¹Чунки Мен туфайли умрингга умр қўшилади.

¹²Доно бўлсанг ўзингга фойда,мазах қилсанг ўзинг жабр тортасан.

¹³Аҳмоқ аёл шаллақи ва фаросатсиздир,ҳеч нарсани билмайди.

¹⁴Уйининг эшиги олдида,шаҳарнинг энг баланд жойида ўтириб,

¹⁵йўлида тўғри юрган,ёнидан ўтиб кетаётганларни:

¹⁶“Кимки содда бўлса, бу ёққа келсин”, — деб чақиради,ақлсизларга шундай дейди:

¹⁷“Ўғирланган сув шириндир,беркитиб ейилган нон эса мазали.”

¹⁸Лекин у ерда арвоҳлар борлигини,унинг меҳмонлари ўликлар диёрининг[42] қаърида эканлигини билмайдилар.