Read Ўзбек тилидаги Муқаддас Китоб, 2013 Сулаймоннинг гўзал қўшиғи 1 Bible Online

Сулаймоннинг гўзал қўшиғи 1 - Ўзбек тилидаги Муқаддас Китоб, 2013 bible

Сулаймоннинг гўзал қўшиғи 1

¹Сулаймоннинг энг гўзал қўшиғи.</p>Ўпгин мени лабларинг билан,Сенинг севгинг шаробдан ҳам ширинроқдир.

²Атир мойларинг қанчалик хушбўй!Ёқимли атир каби номинг ҳар тарафга таралар.Шунинг учун қизлар сени севарлар.

³Мени ўзинг билан олиб кет, тезроқ борайлик.Эй шоҳим, мени ўз ётоғингга олиб киргин.</p>Эй шоҳимиз, биз қувонамиз. Сиз билан севинамиз,Шаробдан ҳам кўпроқ сизнинг севгингизни мақтаймиз.</p>

⁴Эй Қуддус қизлари!Мен қорачадан келган бўлсам ҳам гўзалман,Кедар чодирларидай қора бўлсам ҳам,Сулаймон пардаларидай чиройлидирман.

⁵Қоралигим учун менга паст назар билан қараманглар.Қуёш нурлари мени қорайтирди.Ака–укаларимнинг мендан жаҳли чиқиб,Мени узумзорлар қоровули қилиб қўйишди,Аммо ўз узумзоримга қарай олмадим!

⁶Севгилим, менга айтгин–чи,Қаерда ўз подангни боқасан?Туш вақти уларни қаерга ётқизасан?Айт менга, яна подачи дўстларинг олдидаУятсиз аёллардай бўлиб юрмай ахир.</p>

⁷Қаердалигимни билмасанг,Эй гўзалларнинг гўзали,Поданинг изларидан боргин.Чўпонларнинг чодирлари олдидаЎз эчкиларингни ўтлатгин.

⁸Эй севгилим,Сен фиръавн аравасига қўшилган учқур отдай гўзалсан.

⁹Зиракларинг туфайли ёноқларинг гўзалдир,Марваридлар бўйнингни қандай чиройли қилар.

¹⁰Сенга атаб тилладан безаклар,Кумушдан тақинчоқлар ясаттираман.</p>

¹¹Шоҳим ёнбошлаб ётганда,Атирларим ўз ҳидини таратди.

¹²Кўкракларим орасида ётган,Хушбўй миррага тўла халтача кабидир менинг севгилим.

¹³У мен учун Энгеди боғларидагиХина гулларидайдир.</p>

¹⁴Гўзалдирсан, эй севгилим,Сен гўзалсан!Кўзларинг кабутар кўзларидай назокатлидир.</p>

¹⁵Чиройлисан, эй севгилим,Жуда ҳам хушрўйдирсан,Ям–яшил майсалар бизнинг тўшагимиздир.

¹⁶Садр дарахтлари томимиз бўлса,Арчалар томимиз синчларидир.