Read Ўзбек тилидаги Муқаддас Китоб, 2013 Сулаймоннинг гўзал қўшиғи 4 Bible Online

Сулаймоннинг гўзал қўшиғи 4 - Ўзбек тилидаги Муқаддас Китоб, 2013 bible

Сулаймоннинг гўзал қўшиғи 4

¹Қандай гўзалсан, эй севгилим,Қанчалик гўзалсан!Чачвонинг ортидаги кўзларингКабутарлардай мулойимдир.Гилад қирларидан ёйилиб тушаётганҚоп–қора қўйлардайдир сенинг сочларинг.

²Ювиб–таралган, жуни қирқиладиган,Оппоқ эчкилардайдир сенинг тишларинг.Ҳар бирининг эгизи бор,Ўрни ҳеч бўш қолмаган.

³Лабларинг қирмизи ғунчалардайдир,Оғзинг ҳам жуда гўзал.Чачвонинг ортидаги ёноқларинг эсаАнорлардай қип–қизил.

⁴Бўйнинг тик қурилган Довуд минорасидай,Маржонларинг тизим–тизим,Жангчиларнинг мингларча қалқонларидайдир.

⁵Кўкракларинг эгизак кийиклардайдир.Ҳа, нилуфарлар орасида ўтлайдиганИкки кийикдайдир улар.

⁶Қоронғулик чекинмасдан олдин,Тонг отмай туриб,Ўша хушбўй мирра тоғига,Ладан қирига чиқаман.

⁷Ҳар жиҳатдан гўзалдирсан, севгилим,Сенда ҳеч қандай нуқсон йўқ.

⁸Кела қол, келинчагим,Лубнондан менга кел.Эмона ва Санир тоғларидан,Хермон тоғларию шерлар маконидан,Қоплонларнинг масканидан туш.

⁹Эй жоним, келинчагим,Қалбимни асир қилдинг.Кўзларингнинг нигоҳи билан,Бўйнингдаги маржонинг биланҚалбимни асир қилдинг.

¹⁰Севгинг қандай шириндир,Эй жоним, келинчагим.Сенинг севгинг шаробдан ҳам яхшироқдир.Атир мойларинг эсаҲар қандай зиравордан ҳам хушбўйроқдир.

¹¹Келинчагим, лабларингдан бол томар.Aсал ва сут тилинг остида,Kийимларинг ҳиди Лубнон ҳидига ўхшар.

¹²Жоним менинг, келинчагим.Қулфланган боғ, девор билан ўралган булоқдайсан,Ёпиб қўйилган чашмадайсан сен.

¹³Аъло мевалар берадиганАнор боғига ўхшайсан.Бу боғда хина ва сунбуллар ўсади.

¹⁴Ҳа, бу боғда сунбулу сафрон,Хушбўй игир ва долчин,Ҳар хил хушбўй дарахтлар,Мирра ва сабурлар,Энг аъло зираворлар ўсади.

¹⁵Севгилим, сен боғдаги чашмага,Ҳаётбахш сув булоғига ўхшайсан.Лубнон тоғларининг оқар сувларидайсан.</p>

¹⁶Эй шимол шабадаси, қўзғал,Жануб шамоли, келгин!Боғимда эсгин,Токи хушбўй ҳидлариҲамма жойга таралсин.Севгилим ўз боғига келиб,Аъло меваларидан есин.