Read Ўзбек тилидаги Муқаддас Китоб, 2013 Сулаймоннинг гўзал қўшиғи 7 Bible Online

Сулаймоннинг гўзал қўшиғи 7 - Ўзбек тилидаги Муқаддас Китоб, 2013 bible

Сулаймоннинг гўзал қўшиғи 7

¹Қайтгин, қайтиб келгин, эй Шуламлик қиз!Қайтиб кел, сени яна бир бор кўрайлик.</p>Нима учун бу Шуламлик қизга қарайсизлар?!У икки қатор қизлар орасида рақсга тушяптими?!

²Эй маликага ўхшаган қиз!Кафш кийган оёқларинг қандай чиройли!Думалоқ сонларинг жавоҳирлардай,Худди моҳир устанинг қўли билан ишлангандай!

³Доимо хушбўй шаробга тўла бўлган,Дум–думалоқ косадайдир сенинг киндигинг.Юмалоқ қорнинг эса нилуфарлар билан ўралган,Тилларанг буғдой уюми кабидир.

⁴Кўкракларинг эгизак кийиклардайдир.

⁵Фил суягидан қурилган минорадай гўзалдир бўйнинг,Батрабим дарвозаси ёнидагиХашбон булоқларидай ёрқиндир кўзларинг.Бурнинг эса Дамашқ шаҳрига қараганЛубнон минорасидай текисдир.

⁶Бошинг Кармил тоғидай баланд туради,Сочинг кимхобдай гўзал,Ҳатто шоҳ ҳам унга асирдир.

⁷Қандай гўзал ва хушрўйсан,Ҳузурбахш севгилим менинг.

⁸Пальма дарахтидай савлатлисан,Кўкракларинг унинг меваларидай тўлиқдир.

⁹Мен шундай дедим: “Пальма дарахтига чиқиб,Меваларидан ушлайман.”Кўкракларинг мен учун узумдай мазали,Нафасинг эса олмалардай ширин бўлсин.

¹⁰Ўпичларинг энг аъло шаробдай шириндир,Бундай шароб лаб ва тишлар орасидан текис ўтади.</p>

¹¹Мен севгилимникиман,У фақат мени қўмсайди.

¹²Келгин, севгилим, далаларга борайлик.Хина гуллар орасида ётиб қолайлик.

¹³Вақтли туриб, узумзорларга кирайлик.Улар гулга кирдимикин?!Токлару анорлар гуллаганмикин?!Ўша ерда мен сенга ўз севгимни тўла кўрсатаман.

¹⁴Меҳригиёлар ҳид таратиб турибди.Эшигимиз тепасига ҳар хил мевалардан осиб,Сен учун сақлаб қўйдим, севгилим.