Read Ўзбек тилидаги Муқаддас Китоб, 2013 Ишаё 41 Bible Online

Ишаё 41 - Ўзбек тилидаги Муқаддас Китоб, 2013 bible

Ишаё 41

¹Эгам айтар: “Менинг олдимда сукут сақланг,Эй денгиз ортидаги юртлар!Халқларнинг кучи қайта тиклансин.Улар яқинроқ келиб, гапирсинлар.Ҳукм қилишга бирга йиғилайлик.

²Ким шарқдан ғолиб шоҳни[224] чақирди?Ким уни ўз хизматига чақирди?Ким унга элатларни бўйсундиради?Ким шоҳларни оёғи остида эзади?Қиличи билан уларни чопиб ташлайди,Ёйи билан уларни сомондай учиради.

³Уларни таъқиб қилади,Оёқ босмаган йўлдан юради,Ўша жойлардан эсон–омон ўтади.

⁴Буларни қиладиган ким, бажарадиган ким?!Бошидан авлодларни дунёга келтирган ким?!Мен эмасми?!Азалдан Мен сизнинг Эгангизман,Охиргача ҳам Эгангиз бўламан.

⁵Денгиз ортидаги юртларБуни кўриб, қўрқади.Ер юзининг тўрт бурчидан титраб,Улар яқинлашиб келади.

⁶‘Қўрқмагин’, дея ҳаммаБир–бирига далда беради.

⁷Мана, ҳунарманд одамТилла устасига далда беради.‘Ҳа, яхши чиқди’, деб мисгарТемирчига далда беради.Йиқилиб тушмасин, деб бутни михлаб қўяди.

⁸Аммо сен–чи, эй қулим Исроил,Эй Ўзим танлаган Ёқуб насли,Дўстим Иброҳимнинг авлоди!

⁹Сени ернинг тўрт бурчидан олиб келдим,Ернинг олис бурчакларидан чақирдим.Айтдимки: ‘Сен Менинг қулимсан,Сени танладим, рад этмадим.’

¹⁰Қўрқма, Мен сен билан биргаман,Ваҳимага тушма, Мен сенинг Худойингман.Сенга куч бераман, Ўзим ёрдамга келаман,Ғолиб ўнг қўлим билан сени қўллайман.

¹¹Ҳа, сенга қарши бўлганларнинг ҳаммасиШармандаю шармисор бўлиб қолади,Душманларинг йўқ бўлади, нобуд бўлади.

¹²Уруш қиладиганларни излаб ҳам топа олмайсан,Сен билан жанг қилганлар тамомила тугаб битади.

¹³Мен Ўзим, Эганг Худо, ўнг қўлингни кучайтираман,Сенга: ‘Қўрқма, Ўзим ёрдамга келаман’, деган Менман.”

¹⁴Эгамиз шундай айтмоқда:“Қўрқма, эй Исроил халқи, Ёқуб насли!Сен кичкина бир чувалчангдайсан.Аммо Ўзим сенга ёрдам бераман.Мен, Исроил халқининг муқаддас Худоси,Сенинг Қутқарувчингман.

¹⁵Сендан буғдой янчадиган хўптир[225] ясайман,Янги, ўткир, тишли хўптир қиламан,Сен тоғларни янчасан, эзасан,Тепаликларни[226] сомон қиласан.

¹⁶Сен уларни совуриб ташлайсан,Уларни шамол учириб кетади.Бўрон уларни тўзғитади,Сен эса Мен, Эганг, туфайли севинч топасан,Исроил халқининг муқаддас Худоси ила мақтанасан.

¹⁷Қашшоқлару муҳтожлар сув излар,Аммо сув йўқ.Оғизлари чанқоқдан қуриб кетган.Мен, Эгангиз, уларга жавоб бераман,Мен, Исроил халқининг Худоси, уларни тарк этмайман.

¹⁸Яланғоч тепаликлар устидан дарёлар ўтказаман,Водийлар ўртасида булоқлар очаман.Саҳроларни сув тўла ҳовузларга айлантираман,Қақраган ерда булоқлар очаман.

¹⁹Чўлда садр, акас, зайтун дарахтларини,Ҳамда мирта буталарини ўстираман,Саҳрода сарв, арча, қарағай дарахтларини ўстираман.

²⁰Мана, ҳамма кўриб билсин,Буларни Мен, Эгасининг қўли қилганини тушунсин.Мен, Исроил халқининг муқаддас Худоси,Буларни яратганимни улар англаб етсин.”</p>

²¹Ёқуб наслининг Шоҳи — Эгамиз, шундай дейди:“Даъволарингизни айтинг,Исботингизни келтиринг.

²²Қани, бутларингизни олиб келинг,Келажакда нима бўлишиниБутларингиз айтиб берсин.Ўтмишда бўлганларни тушунтирсин–чи!Ўшалар ҳақида ўйлаб кўрайлик.Охири нима бўлишини билайлик.Ҳа, бўладиганларни бизга айтсин.

²³Эй бутлар! Келажакни бизга билдиринг,Шунда худо эканлигингизни биламиз.Бирон яхшилик ёки ёмонлик қилиб кўринг–чи,Кўриб, биргаликда ваҳимага тушайлик.

²⁴Ахир, сизлар ҳеч нима эмассиз,Ишларингиз эса ундан ҳам баттар.Сизни танлаганнинг ўзи жирканчдир.

²⁵Мен шимолдан бир етакчи[227] чақирдим.Ана, у келади.Шарқдан келиб, Менинг номимга шуҳрат келтиради.Ҳукмдорларни у тупроқдай оёқ ости қилади,Кулолнинг лойидай қилиб тепкилайди.

²⁶Ким буни олдиндан айтибдики, биз билибмиз?!Ким буни илгари билдирибдики, ‘У ҳақ эди’, деб айтсак?!Сизлар гапирганингизни ҳеч ким эшитмади,Ҳеч ким айтмади, хабар бермади.

²⁷Қуддусга башорат қилинганлар,Қаранг, мана ўшалар!Ҳа, Сионга яна хушхабар элчисини Мен юбордим.

²⁸Қарадим, лекин биронтаси йўқ,Орасида бирорта маслаҳатчи йўқ,Сўраганда жавоб берадигани йўқ.

²⁹Қаранг, бутларининг ҳаммаси сохта,Қилган ишлари ҳеч нима эмас,Ҳамма бутлари шамолдай беҳуда.”