Read Ўзбек тилидаги Муқаддас Китоб, 2013 Ишаё 48 Bible Online

Ишаё 48 - Ўзбек тилидаги Муқаддас Китоб, 2013 bible

Ишаё 48

¹Эшитинг буни! Эй Ёқуб хонадони!Эй Исроил номи билан аталадиганлар,Яҳудо уруғидан чиққанлар!Сизлар Эгамизнинг номи билан қасам ичасизлар,Исроил халқининг Худосини тилга оласизлар,Аммо ҳақиқат ва солиҳлик билан эмас.

²Ҳа, сизлар ўзингизни муқаддас шаҳар[256] номи ила атадингиз,Исроил халқининг Худосига таяндингиз,Ахир, Унинг номи Сарвари Оламдир.

³Эгамиз сизларга шундай деди:“Бўлиб ўтганларни олдиндан Мен айтдим,Оғзимдан чиқиши билан буларни билдирдим,Бирданига ҳаракат қилдим ва улар содир бўлди.

⁴Ахир, қайсарлигингни Мен биламан–ку!Бўйнинг темирдай, пешананг бронзадай қаттиқдир!

⁵‘Буларни менинг санамим қилди,Қуйма, ўйма бутларим амр қилди’, дебАйтмагин, дея Мен олдиндан айтдим,Бажо бўлмасдан олдин, бўлиб ўтганларни билдирдим.

⁶Буларнинг ҳаммасини эшитдинг,Наҳотки энди эътироф этмасанг?!Ҳозирдан бошлаб янгиларини,Ўзинг билмаган яширин нарсаларниСенга эшиттирдим.

⁷Булар ҳозир яратилди, қадимда эмас,Бу тўғрида сен илгари эшитмагансан.Йўқ! Сен: ‘Мен буларни биламан–ку!’— деб айта олмайсан.

⁸Ҳа, эшитмагансан, билмайсан ҳам,Ҳатто азалдан ҳам қулоқларинг очилмаганди.Мен биламан–ку хиёнаткор эканлигингни,Туғилганингданоқ сен исёнкор деб аталгансан.

⁹Ўзимнинг исмим ҳақи ғазабимни босяпман,Шарафим ҳақи Ўзимни тутяпман,Бўлмаса, сени йўқ қилган бўлардим.

¹⁰Мана, Мен сени покладим,Аммо кумушдай қилиб эмас.Сени кулфат ўчоғида синадим.

¹¹Ўз ҳақим, ҳа, Ўз ҳақим учун шундай қиламан!Ахир, нимага Мен бадном бўлишим керак?!Шуҳратимни бировга бериб қўймайман.</p>

¹²Менга қулоқ тут, эй Ёқуб хонадони!Ўзим чақирган Исроил халқи, эшит!Мен Ўшаман!Боши ҳам, охири ҳам Мен Ўзимман.

¹³Ҳа, Менинг қўлим заминнинг пойдеворини[257] қўйган,Самоларни ёйган Менинг қўлимдир.Мен уларни чақирганимдаУлар биргаликда туради.

¹⁴Ҳаммангиз тўпланиб, эшитинг!Бутларнинг қайсиси буларни билдирди?!Курушни[258] Мен, Эгангиз, яхши кўраман.У Бобилда Менинг ниятимни бажо келтиради.Менинг қўлим Бобилликларга[259] қарши бўлади.

¹⁵Мен айтдим! Ҳа, Мен Ўзим айтдим!Уни Мен чақирганман!Уни Мен олиб келдим,У ғалабага эришади.

¹⁶Менга яқинлашинг! Бунга қулоқ солинг!Азалдан ҳеч нарсани яширмай айтдим,Бошиданоқ Мен ўша ердаман.”Мана энди Эгамиз Раббий мениҲамда Ўз Руҳини юбормоқда[260].

¹⁷Қутқарувчингиз, Исроил халқининг муқаддас Худоси —Эгамиз шундай айтмоқда:“Мен Эгангиз Худоман!Яхши бўлинг, деб сизларга йўл–йўриқ кўрсатаман,Юрадиган йўлларингиздан етаклайман.

¹⁸Қани, энди амрларимга қулоқ солганингизда!Фаровонлигингиз дарёдай бўларди,Зафарингиз денгиз тўлқинларидай бўларди.

¹⁹Уруғингиз қум каби бўларди,Наслингиз қум зарраларидай сон–саноқсиз бўларди.Уларнинг номи ўчиб кетмаган бўларди,Менинг олдимдан йўқотилмаган бўларди.”

²⁰Энди Бобилдан чиқиб кетинг,Бобилликлардан қочинг.Шодлик ҳайқириқлари ила эълон қилинг!Дунёнинг тўрт четига бу хабарни етказинг!“Эгамиз Ўз қуллари, Ёқуб наслини қутқарди”, деб айтинг!

²¹Эгамиз уларни саҳродан олиб борганда,Улар ташналикдан қийналмадилар.Худо улар учун қоядан сув чиқарди[261].У қояни ёрди, сувлар пишқириб чиқди.

²²“Ёвузларга омонлик йўқ”, дейди Эгамиз.