Read Ўзбек тилидаги Муқаддас Китоб, 2013 Ишаё 50 Bible Online

Ишаё 50 - Ўзбек тилидаги Муқаддас Китоб, 2013 bible

Ишаё 50

¹Эгамиз шундай айтмоқда:“Мен онангизни ҳайдаб юборган эдим,Унинг талоқ хати қани?Хўш, сизни қайси қарз берувчимга сотибман?Мана, гуноҳларингиз туфайли сотилдингиз,Итоатсизлигингиз дастидан онангиз ҳайдалди.

²Келганимда нега бирон кимса йўқ эди?Чақирганимда нега ҳеч ким жавоб бермади?Сизни қутқаришга менинг қўлим қисқами?Ёки сизни озод қилишга кучим етмасми?Бир таҳдид қилсам денгиз қурийди,Дарёларни чўлга айлантираман.Сувлар қуриб, балиқлари сасийди,Сув йўқлигидан балиқлар ўлиб кетади.

³Самоларга қора кийдираман,Қанорни уларнинг ёпинчиғи қиламан.”</p>

⁴Толиққанларга сўз билан мадад берсин, дебЭгам Раббий менга доно тил берди.Ҳар тонг У мени уйғотади,Донолардай тингласин, деб қулоғимни очади.

⁵ЭгамРаббий қулоғимни очди,Мен итоатсизлик қилмадим,Мен Ундан юз ўгириб кетмадим.

⁶Мени урганларга кифтимни очдим,Соқолимни юлганларга юзимни тутдим,Ҳақорат, тупуришлардан юзимни яширмадим.

⁷Эгам Раббий менга мадад беради,Шу боис мен ҳеч шарманда бўлмадим.Азобларга бардош беришга қарор қилдим,Биламан, шарманда бўлмайман.

⁸Мени оқлайдиган яқинимдадир,Мен билан даъволашадиган ким, юзлашайлик–чи!Қани рақибларим? Менга қарши чиқсин!

⁹Мана, Эгам Раббий менга мадад беради,Қани ким мени айбдор, деб айта олади?!Қаранг, уларнинг ҳаммаси кийим каби эскиради,Уларни куя еб тамом қилади.

¹⁰Орангиздан ким Эгамиздан қўрқади?Эгамизнинг қули овозига қулоқ солади?Зулматда юрганлар, нурдан маҳрум бўлганларЭгамизнинг номига умид боғласин,Ҳа, ўзининг Худосига таянсин!

¹¹Ахир, ҳаммангиз аланга ёқяпсиз,Машъалалар ёқяпсиз.Алангангиз ёруғида юраверинг,Ўзингиз ёққан машъала ёруғида юраверинг.Қаранг, унинг қўллари сизни нима қилади:Азоб–уқубат ичида ётасиз.