Read Ўзбек тилидаги Муқаддас Китоб, 2013 Ишаё 58 Bible Online

Ишаё 58 - Ўзбек тилидаги Муқаддас Китоб, 2013 bible

Ишаё 58

¹Эгам айтар:“Ўзингни тутмай, қаттиқ ҳайқиргин,Карнайга ўхшаб, овозингни баланд кўтар.Халқимга итоатсизлигини айтгин,Ёқуб хонадонига гуноҳкорлигини кўрсат.

²Худди тўғри йўлдан юрган халққа ўхшаб,Улар ҳар кун Менга интилгандай бўлади.Худосининг амрларини унутмаган халқдай,Йўлларимни билмоқ истайди.Мендан одил ҳукм сўрайди,Мен, Худога яқинлашишни истаганга ўхшайди.

³Эй халқим, сизлар Менга:‘Рўза тутяпмиз–ку, Сен кўрмаяпсан,Сенга итоат қиляпмиз–ку, нега билмайсан?!’ деб айтасизлар.Ахир, рўза тутган кунингизда хоҳлаганингизни қиляпсиз,Ишчиларингиздан оғир меҳнат талаб этяпсиз.

⁴Мана, рўза тутсангиз ҳамЖанжал, ғавғо қилаверасиз.Зўравонлик билан қўл кўтараверасиз.Бундай рўзаларингиз биланОвозингизни самоларга етказа олмайсиз!

⁵Рўза тутганингизда ўзингизни қийнайсиз,Эгилган қамишдай бошингизни эгиб юрасиз,Қанор ёйиб, кул сочиб устига ётасиз[289].Шуни рўза деб атайсизми?!Мана шулар Мен, Эгангизни мамнун қилади, деб ўйлайсизми?!

⁶Мен истаган рўза қуйидагидайдир:Адолатсизлик кишанларини парчаланг,Бўйинтуруқ арқонларини узиб ташланг,Мазлумларни озодликка чиқаринг,Ҳар қандай бўйинтуруқни синдиринг!

⁷Овқатингизни очлар билан баҳам кўринг,Уйсизларга уйингиздан жой беринг.Яланғочни кўрганингизда кийим беринг,Яқинларингиздан ёрдамингизни аяманг.”

⁸Шунда нурингиз тонг каби порлайди,Ўзингиз тезда шифо топасиз.Эгамиз доим олдингизда юриб, сизларни асрайди,Ортингиздан Унинг улуғворлиги сизни қўриқлайди.

⁹Шунда ёрдам сўраганингизда, Эгамиз жавоб беради,Фарёд қилганингизда, “Шу ердаман”, деб айтади.Орангиздан бўйинтуруқни йўқ қилганингизда,Ёвуз гаплару қўл кўтаришларни бас қилганингизда,

¹⁰Очлар учун жон куйдирганингизда,Мазлумларнинг жонига оро кирганингизда,Нурингиз зулматда ҳам порлайди,Энг қоронғи даврингиз ёп–ёруғ кундуздай бўлади.

¹¹Эгамиз доимо сизга йўл кўрсатади,Қақраган ерларда ҳам жонингизга озиқ беради,Шунда сиз суғорилган боғдай,Сувлари қуримас булоқдай бўласиз.

¹²Қадимги вайроналарингиз қайта тикланади,Кўҳна пойдеворларни қайта кўтарасиз.Шунда сизларни: “Бузуқ деворни Тикловчи,Кўчаларни қайта Қурувчи”, деб чақиришади.</p>

¹³Шаббат кунини оёқ ости қилманг,Шу муқаддас кунда хоҳишингизни қилишдан ўзингизни тийинг.Шаббат кунини завқли, деб билинг.Эгамизнинг муқаддас кунини шарафли, деб билинг.Бу кунда ўзингиз истаган йўлдан юрманг,Хоҳлаганларингизни қилаверманг,Истаган гапларингизни гапираверманг.

¹⁴Шаббат кунига риоя қилсангиз,Эгамиз туфайли шодлик топасиз,У сизларни юртнинг баланд чўққиларига олиб чиқади,Отангиз Ёқубнинг мулкига тўйдиради.Эгамизнинг каломи шудир!