Read Ўзбек тилидаги Муқаддас Китоб, 2013 Ишаё 9 Bible Online

Ишаё 9 - Ўзбек тилидаги Муқаддас Китоб, 2013 bible

Ишаё 9

¹Бироқ кулфатли жойда энди азоб бўлмайди. Бошида Забулун ва Нафтали юрти[48] шарманда бўлган эди. Аммо келажакда ўша денгиз бўйи, Иорданнинг нариги томонидаги ғайрияҳудийлар Жалиласи улуғланади.

²Зулматда юрган халқ ёрқин зиёни кўрди,Ўлим соя солган юрт аҳолиси устига нур сочилди.

³Бу халқни Сен кўпайтиргансан,Уларга кўп шодлик ато қилгансан.Ҳосил пайтидаги мамнунлик каби,Ўлжаларин бўлишиб олган пайтдаги каби,Улар ҳузурингда қувончга тўлган.

⁴Бу халқнинг оғир бўйинтуруғини,Елкасидаги таёғиниСен синдириб ташлагансан.Золимларнинг калтагиниМидиён халқи каби[49]Мағлуб қилгансан.

⁵Жангда кийилган этиклар,Қонга беланган ҳамма кийимОловга ташланиб, ёқилажак.

⁶Мана биз учун бола туғилди,Ўғил бизга берилди.Ҳукмронлик Унинг зиммасидадир,Номи Ажойиб маслаҳатчи[50], Қудратли Худо,Абадий ота, Тинчлик шаҳзодасидир.

⁷Довуднинг тахтидаУнинг ҳукмронлиги ортиб бораверади.Тинчлик то абад ҳукм суради.Ҳозирдан бошлаб, то абадАдолат ва солиҳлик илаШоҳлигини мустаҳкамлаб, барқарор қилади.Сарвари Олам жон куйдириб,Буни бажо айлайди.</p>

⁸Ёқуб наслига қарши Раббий бир сўз юборди,Унинг сўзи Исроил халқига етиб келди.

⁹Эфрайимда[51], Самарияда яшайдиганлар,Жамики халқ бундан хабардор бўлди.Улар димоғдорлик, киборлик ила айтмоқда:

¹⁰“Ғиштин иморатлар вайрон бўлса,Йўнилган тошлар билан қурамиз.Шикамора–анжир дарахтлари кесилган бўлса,Уларнинг ўрнига садр дарахтлари[52] экамиз.”

¹¹Ана, Орам шоҳи Ратанга қаршиЭгам унинг душманларини қўзғатди,Ғанимларини даъват қилди.

¹²Шарқдан Орамлар, ғарбдан ФилистларОғизларин катта очиб, Исроилни ютиб юборди.Аммо шундай бўлса ҳам,Эгам тушмас ғазабидан,Унинг қўли ҳамонИсроилга қарши кўтарилган.

¹³Бу халқ Сарвари Оламга юз бурмади,Жазо берганга қайтмади.

¹⁴Шунда Эгам бир кундаИсроилдан бошини ва қуйруғини,Хурмосини ва фойдасиз қамишини кесиб олди.

¹⁵Оқсоқоллар, амалдорлар бошдир,Сохта пайғамбарлар қуйруқдир.

¹⁶Улар бу халқни йўлдан адаштирган,Уларга эргашганлар боши берк кўчага кириб қолган.

¹⁷Ҳаммаси шаккок, қабиҳлик қилар,Барча оғизлардан аҳмоқона сўз чиқар.Раббий ёшлардан мамнун бўлмади,Етим, беваларга шафқат кўрсатмади.Аммо шундай бўлса ҳам,Эгам тушмас ғазабидан,Унинг қўли ҳамонИсроилга қарши кўтарилган.

¹⁸Фосиқлик оловга ўхшаб ёнар,Еб битирар бутазору тиканзорларни.Ўрмондаги чангалзорларни ёндириб,Баландларга тутунини ўрлатади.

¹⁹Сарвари Оламнинг қаҳриданЮрт ёниб битар,Халқ оловга ёнилғи бўлар,Одам ўз яқинига шафқат қилмас.

²⁰Ўнг тарафга ҳамла қилар,Аммо оч қолаверарлар.Ҳа, чап тарафда, ютаман, дер,Аммо тўймаслар.Ўз қўлининг гўштини ейди инсонлар.

²¹Манаше қабиласи ейди Эфрайим қабиласини,Эфрайим эса Манашени,Иккови бирлашиб Яҳудога[53] ҳужум қилади.Аммо шундай бўлса ҳам,Эгам тушмас ғазабидан,Унинг қўли ҳамонИсроилга қарши кўтарилган.