Read Ўзбек тилидаги Муқаддас Китоб, 2013 Еремиё 47 Bible Online

Еремиё 47 - Ўзбек тилидаги Муқаддас Китоб, 2013 bible

Еремиё 47

¹Фиръавн Ғазо шаҳрига ҳужум қилишидан олдин, Филист халқи ҳақида Эгамизнинг шу сўзлари Еремиёга аён бўлди:

²Эгамиз айтмоқда:— Қаранг, шимолда душманлар тўпланмоқда,Улар сувга ўхшаб кўпириб келмоқда.Жўшқин дарё каби тошиб ҳовлиқмоқда.Улар тўфондай бутун юртни босиб кетади,У ердаги ҳаммани —Шаҳарлар ва одамларни чўктиради.Халқ доду фарёд қилади,Юрт аҳолиси фиғон чекади.

³От туёқлари тасир–тусур уради,Аравалар тарақ–туруқ қилади,Ғилдираклар гурсиллайди.Эркаклар ичидан зил кетадилар.Ҳатто болаларини қутқаргани ҳамУлар орқага қайтмайдилар.

⁴Ҳа, ўша кун келади,Филист халқи қириб ташланади!Омон қолган иттифоқчилари йўқ қилинади.Тир ва Сидон шаҳарларига ёрдам келмайди,Хафтўр соҳилларидан келган ФилистларниЭгамизнинг Ўзи йўқ қилади.

⁵Ғазо аҳолиси қайғудан сочларини олдиради,Ашқалон одамларининг дами ичига тушиб кетади.Эй, Филист забардастларидан омон қолганлари!Қачонгача ғам чекиб, баданингизни тиласиз?!

⁶“Шўрим қурсин! Эй Эгамнинг қиличи!Қачон тиниб–тинчийсан сен?!Бўлди етар, тинчланақол!Қинингга кир, дамингни ол!”

⁷Эвоҳ, Эгамнинг Ўзи амр этган бўлса,Қандай дам олсин у қилич?!“Ашқалон шаҳрига ва соҳилга ҳужум қил” деган бўлса,Қандай тинчлансин у қилич?!