Read Ўзбек тилидаги Муқаддас Китоб, 2013 Еремиё 5 Bible Online

Еремиё 5 - Ўзбек тилидаги Муқаддас Китоб, 2013 bible

Еремиё 5

¹Эгамиз шундай дейди:“Қуддуснинг ҳар бир кўчасига кириб чиқинглар,Атрофингизга қараб, билиб олинглар,Шаҳар майдонларида қидириб кўринглар,Бирон адолатли, ростгўй одам бормикан.Агар шундай одамни топиб келсангиз,Мен Қуддус аҳолисининг гуноҳидан ўтаман.

²Улар “Эгамиз шоҳид!” дея қасам ичадилар,Аммо ичган қасамлари ёлғон.”

³Эй Эгам, Сен ҳақиқатни излайсан.Сен бу халқни урган эдинг,Аммо улар оғриқ сезмадилар.Уларни деярли йўқ қилиб юборганингда ҳам,Гапингга кирмадилар.Бетларини тошдан ҳам қаттиқ қилдилар,Тавба қилишни хоҳламадилар.

⁴Шунда мен ичимда дедим:“Эҳа, булар камбағал–ку!Шунинг учун уларнинг фаросати йўқ,Улар Эгамизнинг йўлини билмайди,Худосининг қонунини танимайди.

⁵Қани, бойларнинг олдига борай–чи,Улар билан гаплашиб кўрай–чи,Эгамизнинг йўлини улар албатта билади,Улар Худосининг қонунини танишади.”Аммо уларнинг ҳаммаси бўйинтуруғини синдирган экан,Эгамизга итоат этишдан бош тортган экан.

⁶Шунинг учун ўрмондан чиққан шер уларни ўлдиради,Чўлдан келган бўри уларни ғажиб ташлайди.Қоплон шаҳарлари олдида писиб туради,Шаҳардан чиққан ҳар бир одамни тилка–пора қилади.Ахир, улар кўп гуноҳ қилдилар,Худога кўп хиёнат этдилар.

⁷“Сизларни қандай қилиб кечираман?!Фарзандларингиз Мени тарк этдилар–ку!Худо бўлмаган бутларнинг номини ўртага қўйиб онт ичдилар.Мен уларнинг эҳтиёжларини қондирар эдим,Улар эса зино қилаверар эдилар,Фоҳишаларнинг уйига тўдалашиб борар эдилар.

⁸Улар ҳирси қўзғаган айғир отлар каби эди,Ҳар бири қўшнисининг хотинига кишнар эди.

⁹Мен уларни бунинг учун жазоламайми?!Шундай бир халқдан ўч олмайми?!”Эгамизнинг каломи шудир.

¹⁰“Қани, уларнинг узумзорларига киринглар,Токларини кесиб ташланглар.Аммо бутунлай йўқ қилманглар.Новдаларини синдиринглар,Энди улар Меники эмас.

¹¹Ахир, Исроил ва Яҳудо халқлариМенга бутунлай ҳиёнат қилишди.”Эгамизнинг каломи шудир.</p>

¹²Исроил халқи Худо ҳақида ёлғон гапирди,Улар шундай деди: “Худо барибир ҳеч нарса қилмайди.Ҳеч қандай кўргилик бошимизга тушмайди!Қаҳатчилик, уруш бўлмайди!

¹³Пайғамбарларининг бемаъни сўзлари шамолга ўхшайди,Худонинг сўзи уларга аён бўлмаган.Бу кулфатлар ўзларининг бошига тушсин!”

¹⁴Шунинг учун Парвардигори Олам — Эгамиз шундай демоқда:“Эй Еремиё, халқим айтган бу сўзлари учун,Мен Ўз сўзларимни сенинг оғзингда оловдай қиламан.Бу халқ эса ўтин каби бўлади,Олов уларни ёндириб ташлайди.”

¹⁵Эгамиз шундай демоқда:“Эй Исроил халқи,Мен олисдаги бир халқни қўзғатаман.Уларни сизга қарши юбораман.Улар кучли, қадимги бир халқдир.Бу халқнинг тилини сизлар билмайсизлар,Уларнинг гапларини тушунмайсизлар.

¹⁶Уларнинг ҳаммаси моҳир жангчилардир,Ўқлари ўлим элчиларидир.

¹⁷Улар ҳосилингизни, нонингизни еб битиришади,Ўғил–қизларингизни ўлдиришади.Мол–қўйларингизни бўғизлашади,Узумзору анжирзорларингизни йўқ қилишади.Суянган мустаҳкам шаҳарларингизниҚилич билан вайрон қилишади.”

¹⁸Эгамиз шундай демоқда: “Шундай кунларда ҳам Мен Ўз халқимни бутунлай қириб юбормайман.

¹⁹Халқим сендан: “Нима учун Эгамиз Худо бундай ишларни қилди?” деб сўраганда, сен, эй Еремиё, уларга шундай жавоб бер: “Сизлар Худони тарк этиб, юртимизда бегона худоларга хизмат қилдингизлар. Энди ўзга юртда бегоналарга худди шундай хизмат қиласизлар.”</p>

²⁰“Бориб, Ёқуб наслига шундай деб айт,Яҳудо халқига шундай деб эълон қил:

²¹Сизларнинг кўзингиз бор, аммо кўрмайсизлар,Қулоғингиз бор, аммо эшитмайсизлар.Эй ақлсиз, бефаросат одамлар,Гапларимни эшитинглар!”

²²Эгамиз шундай демоқда:“Наҳотки Мендан қўрқмасангизлар?!Менинг олдимда титрамасангизлар?!Ахир, Мен қумни денгизга чегара қилиб қўйдим,Қумни ўтиб бўлмайдиган абадий тўсиқ қилдим.Тўлқинлар кўпириб, кўтарилса ҳам,Тўсиқдан устун келолмайди.Ҳайқириб ўкирса ҳам,Ундан ошиб ўтолмайди.

²³Аммо бу одамлар ўжар ва исёнкордир,Улар йўлдан озиб, Мени тарк этдилар,

²⁴Улар ичларида ҳеч қачон айтмайдилар:“Эгамиз Худодан қўрқайлик,У ўз вақтида ёмғир ёғдиради–ку.Kузда ҳам, баҳорда ҳам еримизни суғоради–ку.Ўрим–терим мавсумини ўз вақтида беради–ку”, деб.

²⁵Гуноҳларингиз сизларни булардан маҳрум этди,Айбларингиз сизларни баракадан жудо этди.

²⁶“Ҳа, халқим орасида ярамас одамлар бор.Улар қуштутар каби писиб ётишар,Тузоқ қўйиб, одамларни ўз домига тортишар.

²⁷Овчи қафасни қушларга тўлдиргандай,Улар уйларини ҳийлага тўлдирдилар.Шу туфайли кучайиб, давлат орттирдилар,

²⁸Семириб, ялтираб кетдилар.Қабиҳ ишларининг чеки–чегараси йўқ.Улар етимни оқлашга ҳаракат қилмайди,Йўқсилнинг ҳақини ҳимоя этмайди.

²⁹Уларни бу учун жазоламайми?!Шундай бир халқдан ўч олмайми?!”Эгамизнинг каломи шудир.

³⁰“Қўрқинчли ва даҳшатли ишларБу юртда содир бўлмоқда:

³¹Пайғамбарлар ёлғондан башорат қилмоқда,Руҳонийлар ўзларича халқни бошқармоқда,Халққа буларнинг ҳаммаси хуш келмоқда.Аммо охирида улар нима қилар экан–а?”