Read Ўзбек тилидаги Муқаддас Китоб, 2013 Ҳизқиё 19 Bible Online

Ҳизқиё 19 - Ўзбек тилидаги Муқаддас Китоб, 2013 bible

Ҳизқиё 19

¹Эгамиз менга Исроилнинг икки шаҳзодаси учун марсия айтишимни буюрди:

²Сенинг онанг қўрқмас бир шер эди!У шерлар орасида ўрнашди,Ёш шерлар орасида болаларини ўстирди.

³Битта боласи кучли бир шер бўлди.У ов қилишни ўрганди,Oдамхўрлик қила бошлади.

⁴Буни халқлар эшитдилар,Шерни тузоғига туширдилар.Уни занжирбанд қилиб,Мисрга олиб кетдилар.

⁵Она шер умиди пучга чиққанини кўрди,Орзуси ушалмаганини билди.Шунда бошқа боласини ўстирди,Уни кучли бир шер қилди.

⁶У катта бўлгач,Бошқа шерлар ила изғийдиган бўлди.Ов қилишни ўрганди,Одамхўрлик қила бошлади.

⁷Қалъаларини бузар эди,Шаҳарларини вайрон қиларди.Юрт ва унинг бутун аҳолисиУ ўкирганда даҳшатга тушарди.

⁸Атрофдаги ҳудудлардан халқларУнга ҳужум қилдилар.Устига тўр ташлаб,Тузоғига туширдилар.

⁹Занжирбанд қилиб, қафасга солдилар,Бобил шоҳи ҳузурига олиб бордилар.Исроил тоғларида унинг товушиБошқа эшитилмасин, деяУни зиндонга ташладилар.

¹⁰Сенинг онанг узумзордаги токдай эди,Ариқ бўйига ўтқазилган эди.Сувга мириққаниданСерновдаю серҳосил эди.

¹¹Бақувват новдалариСалтанат ҳассаларига айланди.Қалин шох–шаббадан ҳам баланд кўтарилди.Баландлиги, сербарглиги биланКўзга ташланиб турар эди.

¹²Аммо ғазаб ичра ток суғуриб ташланди,Ерга улоқтириб юборилди.Шарқдан эсган шамол ҳосилини қуритди,Бақувват новдалари синиб қуриди.Ҳаммасини олов ямлаб юборди.

¹³Энди бу ток саҳрога ўтқазилган.Ҳа, қуруқ, сувсаган чўлга экилган.

¹⁴Унинг поясидан олов чиқди,Новдалару меваларини куйдириб юборди.Биронта бақувват новдаси қолмади,Салтанат ҳассасига ярамайдиган бўлди.Бу марсия қўшиғидир, у мотам оҳангида куйланади.