Read Ўзбек тилидаги Муқаддас Китоб, 2013 Хўшея 14 Bible Online

Хўшея 14 - Ўзбек тилидаги Муқаддас Китоб, 2013 bible

Хўшея 14

¹Самария аҳолиси ўз Худосига қарши бош кўтарди,Энди улар гуноҳининг жазосини тортади.Улар қиличдан ҳалок бўлади,Душманлар гўдакларини ерга уриб ўлдиради,Ҳомиладор аёлларнинг қоринларини ёради.</p>

²Эй Исроил, Эганг Худога қайтгин!Ахир, гуноҳ туфайли сен қуладинг.

³Гапингни тайёрлаб, Эгамизга қайт.Сен Унга шундай деб айт:“Гуноҳларимиздан кечиб юборгин,Ибодатимизни қабул қилгин.Биз Сенга мадҳиямизни назр қиламиз.

⁴Оссурия бизга нажот бермайди,Биз жанговар отларга минмаймиз.Қўл билан ясалган бутларниЭнди биз: ‘худоларимиз’, деб атамаймиз.Эй Эгамиз, биз — етимларгаФақат Сен раҳм–шафқат қиласан.”</p>

⁵Эгамиз шундай дейди:“Мен халқимга шифо бериб,Уларни бевафоликдан қайтараман,Уларга қайта кўнгил қўяман,Мен жаҳлдан тушдим.

⁶Мен Исроил учун шудрингдай бўламан,Шунда Исроил нилуфардай очилади,Лубнон ўрмонидай томир отади.

⁷Уларнинг новдалари ўсиб чиқади,Зайтун дарахтидай кўркам бўлади,Лубнон садридай муаттар ҳид таратади.

⁸Уларнинг соясида халқлар яшайди.Исроил мўл буғдой етиштиради,Улар узумзордай кўп ҳосил беришади,Лубнон шаробидай машҳур бўлишади.

⁹Эй Эфрайим, бутларинг билан Менинг ишим йўқ!Мен ибодатларингга жавоб бераман,Сенга ғамхўрлик қиламан.Мен доим яшил сарв дарахти кабидирман,Олган мўл ҳосилингнинг манбаидирман.”</p>

¹⁰Ким доно бўлса,Бу ерда ёзилган сўзларни тушунади,Ким фаҳм–фаросатли бўлса,Буларнинг ҳаммасини англаб олади.Эгамизнинг йўллари тўғридир.Солиҳлар улардан юради,Исёнчилар эса қоқилиб тушади.