Read Ўзбек тилидаги Муқаддас Китоб, 2013 Йўэл 2 Bible Online

Йўэл 2 - Ўзбек тилидаги Муқаддас Китоб, 2013 bible

Йўэл 2

¹Сиондабурғу чалинглар!Эгамизнингмуқаддас тоғида бонг уринглар!Титрасин Яҳудонинг жамики аҳли,Ахир, келяпти Эгамизнинг куни.У кунга оз вақт қолди.

²Зимзиё зулмат куни бўлур у кун,Булут қоплаган тим қоронғи бўлур у кун!Катта кучли лашкар юртни босар,Ёришган тонгдай тоғлар узра ёйилар.Бунақаси азалдан ҳеч содир бўлган эмас,Бундан кейин ҳам ҳеч қачон содир бўлмас.

³Аланга ютиб борар улар олдидан,Олов гувиллаб ёнар улар ортидан,Бирон жонзот қочиб қутулмас улардан.Илгари эди замин Адан боғидай,Энди бўлиб қолди қақроқ саҳродай.

⁴Уларнинг кўриниши отларга ўхшар,Жанг отлари каби ҳужум қилишар.

⁵Тоғ чўққиларига сакраб чиқишар,Жанг аравасидай гумбурлаб чопар,Ёнаётган хас–чўп каби чирсиллар,Жангга тайёр бўлиб саф тортганКучли лашкарга ўхшар улар.

⁶Уларнинг олдида халқлар даҳшатга тушар,Ҳамманинг юзи бўздай оқариб кетар.

⁷Жангчилардай ҳужум қилар бу лашкар,Сипоҳлардай девордан ошиб тушар.Сафдан четга чиқмай олға босишар.

⁸Бир–бирларин туртмаслар,Ҳаммаси ўз йўлида кетар.Ғовларни ҳам ёриб ўтишар,Ҳеч нарса уларни тўхтата олмас.

⁹Бостириб боришар улар шаҳарга,Ёпирилишар шаҳар деворларига.Уйларга тирмашиб чиқишар,Ўғридай деразалардан ичкарига киришар.

¹⁰Уларнинг олдида замин титрар,Осмону фалак қалтираб турар.Қуёш ҳам, ой ҳам қораяр,Юлдузлар нури сўнар.

¹¹Эгамиз лашкарнинг бошида турар,Лашкарига Ўз садосин берар.Нақадар беҳисоб Унинг қўшини,Унинг амрига бўйсунадиганлар қудратли.Эгамизнинг куни чиндан даҳшатли!Бу ваҳимали кунга бардош бергай ким?!</p>

¹²Эгамизнинг каломи шудир:“Ҳозир ҳам кеч эмас,Рўза тутиб, йиғлаб, қайғуриб,Бутун қалбингиз билан Менга қайтинглар.

¹³Кийимингизни эмас, бағрингизни йиртинглар.”Эгангиз Худога қайтинглар, У иноятли,Раҳмдил, жаҳли тез чиқмайди, содиқ севгиси мўлдир,Ғазабидан тушиб кечирадиган Худодир.

¹⁴Ким билсин, У шаштидан қайтар,Балки хирмонингизга барака берар.Шунда Эгангиз Худога сизларДон билан шароб назрин тақдим қиласизлар.

¹⁵Бурғу чалинг Сионда!Рўза кунларин белгиланглар,Ўша кунларга йиғин эълон қилинглар.

¹⁶Йиғинг жамики халқни,Пок қилинг жамоани.Чақиртиринг қарияларни,Олиб келинг болалару эмизикли гўдакларни.Ҳатто янги келин–куёвлар ҳамЧимилдиқдан чиқиб келишсин.

¹⁷Маъбаднинг айвони билан қурбонгоҳ орасидаЙиғлашсин Эгамизнинг хизматкор руҳонийлари,Ёлворишсин шундай дея Худога:“Эй Эгамиз, шафқат қилгин халқингга,Мулкинг бўлган Исроил эллар аро кулги бўлмасин.‘Уларнинг Худоси қани?!’ дея халқлар бизни мазах қилмасин!”</p>

¹⁸Эгамиз Ўз юртига жон куйдирди шул замон,Ўз халқига раҳм қилди У ўшал он.

¹⁹Жавоб берди У халқига шундай дебон:“Тўқ бўласиз, сизларга бераман шароб, мой ва дон.Халқлар орасида мазах бўлишингизга энди йўл қўймайман.

²⁰Даф қиламан шимолдан келган лашкарларни,Ҳайдаб соламан қақроқ, ҳувиллаган саҳрога уларни.Ўлик денгизга улоқтираман илғор қисмларини,Ўрта ер денгизига сураман орқа қисмларини.Жасадларидан қўланса ҳид анқийди.”Бажо қилди Эгамиз буюк ишларини!

²¹Эй замин, қўрқма! Хурсанд бўл, шодлан.Бажо қилди Эгамиз буюк ишларини!

²²Қўрқманглар энди, эй, ёввойи ҳайвонлар,Чунки ям–яшилдир даштдаги яйловлар,Мева бераётир энди дарахтлар,Анжир ва узумнинг ҳосили мўлдир.

²³Эй Сион халқи, хурсанд бўлинглар,Эгангиз Худонинг ишларидан севининглар.Сизларга У ён босиб, ёмғирни мўл ёғдирди.Олдингидай, куз, баҳорда ёмғирни қуйдирди.

²⁴Энди хирмонлар донга тўлиб кетади,Хумлар шаробу мой билан тўлиб–тошади.

²⁵Эгамиз шундай дейди:“Зарар кўрдингиз қирғин келтирувчи,Емирувчи чигирткалар дастидан,Экинзорларингизни кемириб ташлаганСакрайдиган чигиртка галаси дастидан,Кўрган зарарингизни Мен қоплайман.Бу кучли лашкарни сизга қарши Мен юборганман.

²⁶Энди сизлар хоҳлаганингизча ейсиз,Сизлар учун ажойиботлар кўрсатганМен, Эгангиз Худога ҳамду сано айтасиз.Эй халқим, ҳеч қачон шарманда бўлмайсан энди!

²⁷Эй Исроил, Мен орангда эканимни билиб оласан шунда,Мен Эгангиз Худоман, йўқдир Мендан бошқаси.Эй халқим, ҳеч қачон шарманда бўлмайсан энди!</p>

²⁸Сўнгра Ўз Руҳимни ёғдираман ҳар бир инсон устига,Ваҳийлар келади йигитларингизга.Башорат қилурлар сизнинг ўғил–қизларингиз.Кароматли тушлар кўрурлар қарияларингиз.

²⁹Ўз Руҳимни ёғдираман ўша кунларда,Ҳаттоки қулу чўриларингиз устига.

³⁰Менинг буюк ва даҳшатли куним келишидан олдин, Мен еру осмонда аломатларни кўрсатаман. Ер юзида қонни, оловни ва тутун устунларини пайдо қиламан. Қуёш қораяди, ой қон тусига киради.”

³²Шунда Худо даъват этган одамлар омон қолади. Ҳа, Эгамизга илтижо қилган ҳар бир инсон қутқарилади. Эгамиз айтганидай, Сион тоғига ва Қуддусга қочиб борганлар нажот топишади.