Read Ўзбек тилидаги Муқаддас Китоб, 2013 Амос 1 Bible Online

Амос 1 - Ўзбек тилидаги Муқаддас Китоб, 2013 bible

Амос 1

¹Ушбу китобда тахувалик чўпонлардан бири бўлган Амоснинг сўзлари баён этилган. Исроил тўғрисидаги бу сўзлар Амосга зилзиладан икки йил аввал ваҳий орқали аён бўлган эди. Ўша даврда Яҳудо юртида шоҳ Уззиё, Исроил юртида эса Йўш ўғли шоҳ Ёрибом ҳукмронлик қилаётган эдилар.

²Амос шундай деди:“ЭгамизСиондан туриб ўкиради,Қуддусдан гулдурос овози янграйди!Чўпонларнинг яйловлари қуриб қолади,Кармил чўққисидаги ўтлар хазон бўлади.”</p>

³Эгамиз шундай демоқда:“Дамашқ аҳолиси гуноҳ устига гуноҳ қилди!Мен уларни жазосиз қолдирмайман,Ахир, улар Гилад аҳолисини темир тишли хўптир билан янчиди.

⁴Шундай экан, Мен шоҳ Хазайилнинг саройига олов ёғдираман,Олов Банҳададнинг қалъаларини куйдириб ташлайди.

⁵Мен Дамашқ дарвозаларининг тамбаларини синдираман.“Қабиҳлик водийси”нинг ҳукмдорини йўқ қиламан,Байт–Эденда салтанат ҳассасини тутган зотни ҳалок қиламан.Орам халқи асирликка тушади, Хир юртига олиб кетилади.”Эгамизнинг каломи шудир.</p>

⁶Эгамиз шундай демоқда:“Ғазо аҳолиси гуноҳ устига гуноҳ қилди!Мен уларни жазосиз қолдирмайман,Ахир, улар бутун бир халқни асирликка олиб,Эдомга қул қилиб сотдилар.

⁷Шундай экан, Мен Ғазо деворига олов ёғдираман,Олов Ғазо қалъаларини куйдириб ташлайди.

⁸Мен Ашдод шаҳрининг ҳукмдорини йўқ қиламан,Ашқалонда салтанат ҳассасини тутган зотни ҳалок қиламан.Эхрон шаҳрига қарши қўл кўтараман,Омон қолган Филистларни қириб ташлайман!”Эгамиз Раббийнинг каломи шудир.</p>

⁹Эгамиз шундай демоқда:“Тир аҳолиси гуноҳ устига гуноҳ қилди!Мен уларни жазосиз қолдирмайман.Ахир, улар биродарлик иттифоқини унутиб,Бутун бир халқни Эдомликларга қул қилиб сотдилар.

¹⁰Шундай экан, Мен Тир деворига олов ёғдираман,Олов Тир қалъаларини куйдириб ташлайди.”</p>

¹¹Эгамиз шундай демоқда:“Эдом аҳолиси гуноҳ устига гуноҳ қилди!Мен уларни жазосиз қолдирмайман.Ахир, улар қардоши Исроил халқига раҳм қилмадилар.Уларни қилич билан таъқиб қилиб,Қаҳрини чексиз сочдилар,Ғазабидан ҳеч тушмадилар.

¹²Шундай экан, Мен Темон шаҳрига олов ёғдираман,Бозрах қалъаларини олов куйдириб ташлайди.”</p>

¹³Эгамиз шундай демоқда:“Оммон халқи гуноҳ устига гуноҳ қилди,Мен уларни жазосиз қолдирмайман.Ахир, улар ҳудудини кенгайтириш учун Гиладга ҳужум қилдилар,Ўшанда ҳомиладор аёлларнинг қоринларини ёрдилар.

¹⁴Шундай экан, Мен Рабба шаҳрининг деворига ўт қўяман,Олов Рабба қалъаларини куйдириб ташлайди.Ўша куни жангдаги ҳайқириқлар фалакни тутади,Жанг бўрон каби авж олади.

¹⁵Оммон шоҳи сургун қилинади,У билан бирга мулозимлар ҳам олиб кетилади.”Эгамизнинг каломи шудир.