Read Ўзбек тилидаги Муқаддас Китоб, 2013 Амос 2 Bible Online

Амос 2 - Ўзбек тилидаги Муқаддас Китоб, 2013 bible

Амос 2

¹Эгамиз шундай демоқда:“Мўаб халқи гуноҳ устига гуноҳ қилди!Мен уларни жазосиз қолдирмайман.Ахир, улар Эдом шоҳининг қабрини булғадилар,Суякларини ёндириб оҳак қилдилар.

²Шундай экан, Мен Мўаб устига олов ёғдираман,Олов Харийўт қалъаларини куйдириб ташлайди.Шовқин–сурон остида, босқинчиларнинг ҳайқириқларию,Бурғу садолари остида Мўаб халқи ҳалок бўлади.

³Мен Мўаб ҳукмдорини йўқ қиламан,У билан бирга мулозимларини қириб ташлайман.”Эгамизнинг каломи шудир.</p>

⁴Эгамиз шундай демоқда:“Яҳудо халқи гуноҳ устига гуноҳ қилди!Мен уларни жазосиз қолдирмайман,Ахир, улар қонунларимдан юз ўгирдилар.Қоидаларимни бажармадилар.Ота–боболари сингари сохта худоларга сиғиниб,Ҳақ йўлдан оздилар.

⁵Шундай экан, Мен Яҳудо юртига олов ёғдираман,Олов Қуддус қалъаларини куйдириб ташлайди.”</p>

⁶Эгамиз шундай демоқда:“Исроил халқи гуноҳ устига гуноҳ қилди!Мен уларни жазосиз қолдирмайман,Ахир, улар айбсизларни пулга сотяптилар.Камбағалларни бир жуфт чориққа алмаштиряптилар.

⁷Йўқсилнинг бошини тупроққа қориб, оёқ ости қиляптилар,Мазлумни йўлдан четга итариб чиқаряптилар.Ота ва ўғил битта жувон билан ётиб,Мени бадном қиляптилар.

⁸Улар ҳар бир қурбонгоҳ олдидаГаровга олган либослар устида ётибдилар.Ўз Худосининг уйида,Жарима эвазига олган шаробни ичяптилар.

⁹Эй Исроил халқи, Мен сизни деб,Амор халқини йўқ қилган эдим.Уларнинг бўй–басти садр дарахтидай баланд,Эман дарахтидай бақувват бўлган бўлса–да,Мен уларнинг мевасини қовжиратган эдим,Илдизини қуритган эдим.

¹⁰Амор халқининг юртини сизларга мулк қилиб бераман деб,Сизларни Миср юртидан олиб чиққандим.Қирқ йил саҳрода сизларга йўл кўрсатиб юргандим.

¹¹Фарзандларингиздан пайғамбарлар тайинладим,Ҳа, Ўзимга йигитларингиздан назрлар танладим.Шундай эмасми, эй Исроил халқи?!— деб айтмоқда Эгамиз. —

¹²Сизлар эса назр қилинган одамларимга шароб ичирдингиз,Пайғамбарларимга: ‘Башорат қилманглар!’ деб буюрдингиз.

¹³Мана, энди сизларни шу қадар эзаманки,Сизлар оғир юк остида ғирчиллаган аравадай бўласиз.

¹⁴Ўшанда чаққонлар ҳам қочиб қутулолмайди,Паҳлавонлар ҳам кучдан қолади,Ҳатто жангчилар ҳам жонини сақлай олмайди.

¹⁵Камончи дош беролмайди,Чопарлар қутқара олмайди ўзини,Отлиқлар сақлай олмайди жонини.

¹⁶Ўша куни жасурларнинг энг довюраги ҳамҚурол–аслаҳаларини ташлаб қочади.”Эгамизнинг каломи шудир.