Read Ўзбек тилидаги Муқаддас Китоб, 2013 Амос 3 Bible Online

Амос 3 - Ўзбек тилидаги Муқаддас Китоб, 2013 bible

Амос 3

¹Эй Исроил халқи, Эгамизнинг сўзларига қулоқ солинг. У Мисрдан олиб чиққан бутун халқингизга шундай деб айтмоқда:

²“Ер юзидаги барча халқлар орасиданЁлғиз сизларни танлаб олган эдим.Шу сабабдан ҳам гуноҳларингизга тоқат қила олмайман,Қилган ҳамма гуноҳларингиз учун сизларни жазолайман.”</p>

³Икки киши келишиб олгандан кейингина бирга йўлга тушади.

⁴Шер қурбонини кўзлаб қўйсагина, ўрмонда ўкиради,Шервачча ўлжасини ушласагина, уясида ириллайди.

⁵Тузоққа емиш қўйилсагина, қуш сиртмоққа тушади,Тузоққа ҳеч нарса илинмаса, сиртмоқ тортилмайди.

⁶Хўш, шаҳарда бурғу чалинса, ким саросимага тушмайди?!Эгамизнинг иродасисиз ҳеч бир кулфат шаҳарга келмайди.

⁷Дарҳақиқат, Эгамиз Раббий Ўз сирини пайғамбарларига аён қилади,Сирини ўша хизматкорларига аён қилмай туриб, У ҳеч нарса қилмайди.

⁸Ана, шер ўкирди! Ким қўрқмайди?!Ана, Эгамиз Раббий гапирди! Ким башорат қилмайди?!</p>

⁹Ашдод қалъаларида эълон қилинг,Миср қалъаларида шундай деб жар солинг:“Самария атрофидаги қирларда тўпланинг,У ердаги авжга чиққан ғалаённи бир кўринг,Зўравонликнинг гувоҳи бўлинг.”

¹⁰Эгамиз шундай демоқда:“Самарияликлар қалъаларини ҳаром бойликка тўлдирдилар,Тўғрилик нималигини улар билмайдилар.”

¹¹Шу сабабдан Эгамиз Раббий шундай демоқда:“Душман Самарияни қуршовга олади,Истеҳкомларини вайрон қилади,Самария қалъалари талон–тарож бўлади.”

¹²Эгамиз шундай демоқда: “Арслоннинг оғзидан қўзичоқни тортиб олмоқчи бўлган чўпон, қўзичоқнинг икки туёғини ёки қулоғининг бир парчасини тортиб олади, холос. Шу сингари, Самарияда истиқомат қилувчи Исроил халқидан айримларигина омон қолади, улар бор–йўғи курсисининг бир парчасига, тўшагининг бир қисмигагина эга бўлади.”

¹³Парвардигори Олам — Эгамиз Раббий демоқда:“Гапимни эшитинг! Ёқуб хонадонига қарши гувоҳлик беринг!

¹⁴Мен Исроил халқини қилган гуноҳи учун жазолайман,Ўша куни Байтил қурбонгоҳларини вайрон қиламан.Қурбонгоҳнинг шохлари кесилиб, ерга тушиб ётади.

¹⁵Мен қишки ва ёзги саройларни бузиб ташлайман,Фил суяги билан безатилган кошоналарни вайрон қиламан,Барча ҳашаматли уйларни йўқ қиламан.”Эгамизнинг каломи шудир.