Read Ўзбек тилидаги Муқаддас Китоб, 2013 Амос 5 Bible Online

Амос 5 - Ўзбек тилидаги Муқаддас Китоб, 2013 bible

Амос 5

¹Эй Исроил халқи, мен сен ҳақингда айтаётган марсиямга қулоқ солгин:

²Бокира қиз Исроил талафот кўрди,Энди у ҳеч қачон ўзини ўнглаб олмайди!Ташлаб кетилган, у ўз юртида ағнаб ётади,Унга туриш учун ҳеч ким ёрдам бермайди.

³Эгамиз Раббий шундай демоқда:“Бир шаҳрингдан жангга чиққан мингта жангчиданЮзтаси омон қолади.Бошқа шаҳрингдан жангга чиққан юзта жангчиданЎнтаси омон қолади.”

⁴Исроил халқига Эгамиз шундай демоқда:“Менга интилинглар, шунда яшайсизлар.

⁵Байтилга эса борманглар,Гилгалга оёқ босманглар,Бэршэва томон ўтиб юрманглар.Ахир, Гилгал аҳолиси сургун қилинади,Байтил буткул вайрон бўлади.”

⁶Эгамизга интилинг, шунда яшайсиз.Акс ҳолда, эй Юсуф хонадони,Сизга Худо оловдай ёпирилади,Олов Байтилни ямлаб ютади.Ёнғинни ўчирадиган одам бўлмайди.

⁷Эй, адолатни заҳар ўтга айлантирганлар,Ҳақиқатни ерга улоқтирганлар,Сизнинг ҳолингизга вой!

⁸Парвин ва Ҳулкар юлдузларини яратган Эгамиздир,У зулматни тонгги нурга айлантиради,Кундузни қоронғиликка чўктириб, тун қилади,Денгиз сувларини йиғиб, ер юзига сочиб юборади.Эгамиздир Унинг номи.

⁹У кучлилар устига кулфат ёғдиради,Қалъаларни кулфатга гирифтор қилади.

¹⁰Сизлар эса адолатли қозилардан нафратланасизлар,Ҳақиқатни гапирувчилардан ҳазар қиласизлар.

¹¹Камбағалнинг буғдойидан солиқ олиб, уни эзасизлар.Шундай экан, йўнилган тошдан қурган уйларингизда яшамайсизлар.Барпо қилган гўзал узумзорларингиз маҳсулидан шароб ичмайсизлар.

¹²Мен биламан сизлар гуноҳга ботиб кетганингизни,Кўплаб жиноятларга қўл урганингизни.Сизлар айбсиз кишини эзиб, пора ейсизлар,Маҳкамаларда фақирни адолатдан маҳрум қиласизлар.

¹³Шунинг учун фаросатли одам бундай замонда сукут сақлайди,Ахир, бу ёвуз замондир.

¹⁴Ёмонликнинг эмас,Яхшиликнинг пайида бўлинглар,Шунда яшайсизлар.Парвардигори Олам — Эгамиз ҳам,Ўзларингиз айтганингиздай сизлар билан бирга бўлади.

¹⁵Ёмонликдан нафратланиб, яхшиликни севинг,Маҳкамаларда адолат ўрнатинг.Балки шунда, эй Юсуф наслидан омон қолганлар,Парвардигори Олам — Эгамиз сизга илтифот қилар.

¹⁶Эй Исроил халқи, гуноҳларингиз туфайлиРаббий, Парвардигори Олам — Эгамиз шундай демоқда:“Ҳамма шаҳар майдонларида одамлар дод–фарёд кўтаришади,Ҳамма кўчаларда ‘Вой жоним! Вой жоним!’ дея йиғи–сиғи қилишади.Деҳконларни аза тутиш учун чақиришади,Марсия айтадиган йиғичи аёллар ёлланади.

¹⁷Ҳар бир узумзордан фиғон эшитилади,Ахир, Мен орангиздан ўтиб, сизларни жазолайман.”Эгамизнинг каломи шудир.</p>

¹⁸Эгамизнинг кунини интизорлик билан кутганларнинг ҳолига вой!Нега Эгамизнинг кунини кутяпсизлар?Бу кун ёруғлик эмас, зулмат олиб келади–ку!

¹⁹Ўша куни сизлар гўё арслондан қочиб,Айиққа дуч келган одамдай бўласизлар.Ўша одам айиқдан ҳам қочиб, уйига келади,Қўли билан деворга суянганда уни илон чақади.

²⁰Наҳот тушунмасангиз?!Эгамизнинг куни ёруғлик эмас,Қоронғулик олиб келади–ку!Ўша кун нурсиз, зулмат куни бўлади!

²¹Эгамиз шундай дейди:“Эй Исроил халқи!Мен маросимларингиздан нафратланаман,Улардан ҳазар қиламан.Муқаддас йиғинларингизни хуш кўрмайман.

²²Менга қурбонликлар куйдирсангиз ҳам,Дон назрларини атасангиз ҳам,Мен уларни қабул қилмайман.Семиз ҳайвонларингизни сўйиб,Тинчлик қурбонликларини келтирсангиз ҳам,Мен улардан рози бўлмайман.

²³Бўлди, бас қилинг сершовқин ашулаларингизни,Мен эшитмайман торингизнинг наволарини.

²⁴Ундан кўра сувдай оқсин адолат,Тўхтовсиз дарёдай оқсин ҳақиқат.

²⁵Эй Исроил халқи, сизлар жуда кўп қурбонликлар келтирасизлар! Мен ота–боболарингизни қирқ йил саҳрода олиб юрганимда, улардан шу қадар кўп қурбонлигу назрларни талаб қилмадим!

²⁶Сизлар ўзингиз учун ясаган илоҳий шоҳингиз Сиккут ва юлдуз худоси Кивуннинг тасвирларига топиндингизлар. Шунинг учун Мен сизларни Дамашқ ортидаги юртга сургун қиламан. Қани энди туринглар! Ўша худоларнинг тасвирларини кўтариб олиб кетинглар.” Эгамизнинг каломи шудир. Парвардигори Оламдир Унинг номи.