Read Ўзбек тилидаги Муқаддас Китоб, 2013 Саҳрода 27 Bible Online

Саҳрода 27 - Ўзбек тилидаги Муқаддас Китоб, 2013 bible

Саҳрода 27

¹Бир куни Залофходнинг қизлари Учрашув чодири кираверишига келишди. Залофход Хафернинг ўғли, Гиладнинг невараси, Мохирнинг эвараси, Юсуф ўғли Манашенинг чевараси эди. Хуллас, Залофход Манаше уруғидан эди. Залофход қизларининг исмлари Махло, Нуваҳ, Хўглах, Милхо ва Тирза эди. Улар Мусо, руҳоний Элазар, йўлбошчилар ва бутун жамоанинг олдида туриб шундай дейишди:

³— Отамиз саҳрода вафот этди. У Эгамизга қарши йиғилган Кўрахнинг тўдасига шерик бўлмаган, ўз гуноҳи туфайли оламдан ўтди. Отамизнинг ўғли йўқ.

⁴Ўғли бўлмагани учун отамизнинг номи уруғи орасидан ўчиб кетиши керакми? Бизга ҳам амакиларимиз қатори ерни мулк қилиб беринглар.

⁵Мусо уларнинг талабини Эгамизга айтди.

⁶Эгамиз шундай жавоб қайтарди:

⁷— Залофходнинг қизлари ҳақ гапни айтишяпти. Уларга албатта амакилари қатори ерни мулк қилиб беринглар. Отасининг улуши қизларига берилсин.

⁸Исроил халқига ҳам шундай деб уқтир. Агар бирор киши вафот этса–ю, ўғли бўлмаса, унинг мулки қизига қолсин.

⁹Агар қизи ҳам бўлмаса, у одамнинг мулки ака–укаларига қолсин.

¹⁰Борди–ю, марҳумнинг ака–укалари ҳам бўлмаса, унинг мулки амакиларига қолсин.

¹¹Агар марҳумнинг амакилари ҳам бўлмаса, унинг мулки уруғидаги энг яқин қариндошига қолсин. Ўша қариндоши меросхўр бўлсин. Сен орқали, Мен, Эгангиз, берган амр Исроил халқи учун қонун бўлиб қарор топсин.</p>

¹²Эгамиз яна Мусога деди:— Аборим тизмасидаги[146] анави тоққа чиқиб, Мен Исроил халқига берадиган юртга қара.

¹³Ўша юртни кўрганингдан кейин аканг Ҳорун сингари оламдан ўтасан.

¹⁴Чунки жамоа Зин чўлида Мендан нолиганда, сизлар икковингиз Менинг амримга қарши исён қилган эдингизлар. Марива сувлари ёнида жамоанинг кўзи олдида Менинг муқаддаслигимни намоён қилмадингизлар[147]. (Ўша Марива сувлари[148] Зин чўлидаги Кадеш яқинидадир.)

¹⁵Мусо Эгамизга деди:

¹⁶— Эй, Эгам, одамзод руҳларининг Худоси, жамоа устидан бир одамни тайинла.

¹⁷У халқни жангларга бошлаб борсин, токи Сенинг жамоанг чўпонсиз қўйдай бўлиб қолмасин.Шунда Эгамиз Мусога:

¹⁸— Нун ўғли Ёшуани ёнингга ол, — деди. — Унда Менинг Руҳим бор[149]. Ёшуага қўлингни қўй[150].

¹⁹Кейин уни руҳоний Элазарнинг ва бутун жамоанинг олдида турғизиб, халқ йўлбошчиси этиб тайинла.

²⁰Бутун Исроил жамоаси унга итоат қилиши учун, Ёшуага ўз салоҳиятингдан бер.

²¹Ёшуа ҳамма ишни Элазар билан бамаслаҳат қилсин. Элазар Урим орқали Ёшуа учун Менинг иродамни билиб берсин[151]. Ёшуа ва бутун Исроил жамоаси ҳамма вазиятда шунга қараб иш тутсин.

²²Эгамиз амр этгандай, Мусо Ёшуани руҳоний Элазар ва бутун жамоанинг олдида тик турғизиб қўйди.

²³Сўнг Эгамизнинг Мусога берган амрига мувофиқ, қўлини Ёшуага қўйиб, Исроил халқининг йўлбошчиси қилиб тайинлади.