Read Ўзбек тилидаги Муқаддас Китоб, 2013 Михо 1 Bible Online

Михо 1 - Ўзбек тилидаги Муқаддас Китоб, 2013 bible

Михо 1

¹Яҳудо шоҳлари Йўтом, Охоз ва Ҳизқиё ҳукмронлик қилган даврларда Эгамиз Мўрашатлик Михо пайғамбарга Ўз сўзини аён қилиб турди. Самария ва Қуддус ҳақида Эгамиз айтган бу сўзлар Михо пайғамбарга ваҳий орқали аён бўлди.</p>

²Қулоқ тутинг, эй халқлар!Қулоқ солинг, ер юзида яшовчилар!Эгамиз Раббий сизларга қарши гувоҳлик беради.МуқаддасМаъбадиданРаббий гапиради.

³Ана, Эгамиз Ўз масканидан чиқяпти,Тоғ чўққиларини босиб келяпти.

⁴Унинг оёғи остида эрийди тоғлар,Ёрилиб кетади даралар.Тоғлар оловда эриган мум каби бўлади,Тепаликдан оқиб тушган сувдай тўкилади.

⁵Ёқуб насли итоатсизлик қилгани учун,Исроил гуноҳга ботиб кетгани учун,Бу воқеалар содир бўлади.Ёқуб насли орасида итоатсизлик қилган ким?Пойтахт шаҳар Самария эмасми?!Бутпарастлар уяси Яҳудонинг қаерида жойлашган?Қуддуснинг нақ ўзида эмасми?!

⁶Эгамиз шундай дейди:“Мен Самарияни йўқ қиламан.Уни ток экиладиган жойга,Очиқ майдондаги бир уюм тошга айлантираман.Шаҳар тошларини водийга юмалатаман,Унинг пойдеворларини очиб ташлайман.

⁷Самариянинг бутлари парча–парча бўлади,Барча санамлари синдириб, ёндирилади.Фаҳш йўли билан келган бутларнинг қимматбаҳо безаклариЎзга юрт фоҳишаларига тўлов қилиб берилади.”</p>

⁸Бундай мусибатдан йиғлаб, фарёд қиламан,Яланғоч, оёқ яланг юраман,Чиябўридай увиллаб фиғон чекаман,Бўта каби бўзлаб йиғлайман.

⁹Ахир, даво йўқ Самариянинг ярасига,Ёпишди Яҳудога ҳам у яра,Халқим дарвозаси — Қуддусга юқди.

¹⁰Гат аҳолисига буни ҳасрат қилманг,Улар олдида кўз ёшингизни тўкманг!Байт–Лафрога бориб,У ерда қайғудан тупроққа юмаланг!

¹¹Эй Шофир аҳли,Сиз асирликка кетасиз,Яланғоч, шарманда бўлиб борасиз.Занон халқи ташқарига чиқишга журъат этмайди.Байт–Эзел аҳли мотам тутади,Энди улар сизга паноҳ бермайди.

¹²Морўт аҳолиси мадад кутган эди,Аммо Эгамиз фалокат юборди.Бу фалокат ҳатто Қуддус дарвозаларига етди.

¹³Эй Лахиш аҳли,Отларингизни араваларга қўшинг!Сиз итоатсиз Исроил халқига тақлид қилдингиз,Қуддус аҳлини илк бор гуноҳга бошладингиз!

¹⁴Шундай экан, эй Яҳудо халқи,Энди Мўрашат шаҳри билан хайрлашаверинг,Эсдалик совғаларингизни уларга тақдим қилинг.Аттанг, Ахсиб аҳли Исроил шоҳларига панд берди,Бера олмайдиган ёрдамни уларга ваъда қилди.

¹⁵Эй Моришо аҳли,Эгамиз устингизга бир босқинчини юборади.Исроил йўлбошчилари Адулламга қочиб боришади.

¹⁶Суюкли фарзандларингизни дебСочингизни олдиринг.Калхатлар каби сийқа бош бўлинг,Ахир, болаларингиз сургун қилинади.