Read Ўзбек тилидаги Муқаддас Китоб, 2013 Нохум 2 Bible Online

Нохум 2 - Ўзбек тилидаги Муқаддас Китоб, 2013 bible

Нохум 2

¹Душманлар Исроил юртини хароб қилган,Узумзорларини пайҳон этган.Бироқ Эгамиз тиклар Ёқуб наслининг улуғворлигини,Ҳа, Исроил халқининг буюклигини.Босқинчи сенга ҳужум қилди, эй Найнаво!Қани бўл, қўриқла қўрғонларингни,Йўлдан узма сен кўзингни.Йиғиб олгин бор кучингни,Жангга боғла белингни.

³Душман сипоҳларининг қалқони қизил,Жангчиларининг кийими алвон,Жанг куни аравалари оловдай чақнар,Беҳисоб найзалари бош узра тебраниб турар.

⁴Шаҳар ичида аравалар қутуриб елар,Майдонларни кесиб у ёқдан–бу ёққа ўтар,Машъалаларга ўхшаб ёниб турар,Яшин тезлиги билан учар.

⁵Найнаво шоҳи амр берар лашкарбошиларига,Олға босиб қоқинар улар йўлда.Қалқонлари паноҳида босқинчиларШаҳар деворига ёпирилар.

⁶Дарё тўғонларини улар бузиб ташлар,Сарой ивиб, қулай–қулай деб турибди.

⁷Шаҳар аҳлини сургун қилишга қарор қилинди,Чўрилари мусичадай нола қилмоқда,Ўз кўксига улар урмоқда.

⁸Найнаво дарз кетган ҳовузга ўхшайди,Ёриқларидан сув оқиб кетгандай,Унинг аҳолиси қочиб кетяпти,Ортидан “Тўхтанглар! Тўхтанглар!”Деган қичқириқлар эшитилар,Лекин ҳеч ким ортига қайтмас.

⁹Босқинчилар бақирар:“Талон–тарож қилинг кумушу олтинни!Битмас–туганмасдир Найнавонинг хазинаси!Серобдир унинг қимматбаҳо нарсаси!”

¹⁰Шип–шийдам, вайрон, талқон бўлди Найнаво!Қўрқувдан юраклар орқага тортиб кетди,Тиззалар қалтиради, баданни титроқ босди,Бўздай оқарди ҳамманинг юзи!

¹¹Нима бўлди Найнаво шаҳрига?!Ўхшар эди–ку у шернинг уясига.Ҳа, ўхшар эди Найнаво шер болаларини боққан бир инга.Шер ва она шер изғиган пайтда,Болалари хатарсиз эди у ерда!

¹²Шер ўз болалари учунЕтарлича ўлжа тилка–пора қилган,У она шер учун ҳам овини бўғизлаган,Мурда билан тўлдирган ўз инларини,Ўлжа билан — уяларини.

¹³Сарвари Олам шундай айтмоқда: “Мен сенга қаршиман, эй Найнаво! Жанг араваларингни тутатиб ёндираман. Ёш шерларинг қиличдан ҳалок бўлади. Сен энди ер юзида талончилик қилмайсан. Ўлпончиларингнинг овози ўчади.”