Read Ўзбек тилидаги Муқаддас Китоб, 2013 Хабаққуқ 3 Bible Online

Хабаққуқ 3 - Ўзбек тилидаги Муқаддас Китоб, 2013 bible

Хабаққуқ 3

¹Xабаққуқ пайғамбарнинг куйга солинган ибодати:

²“Эй, Эгам, мен Сенинг шуҳратинг ҳақида эшитдим. Қилган буюк ишларингдан ҳайратда қолдим. Эй, Эгам, бизнинг давримизда ҳам шундай ишларингни қилгин. Одамлар Сенинг нималарга қодир эканлигингни билиб қўйишсин. Ғазабланганингда меҳр–шафқатни эсдан чиқармагин.

³Худо келади Эдом юртидан,Муқаддас Худо келади Порон қирларидан.Унинг улуғворлиги кўкни порлатар,Ҳамду саноларига бутун дунё тўлар.

⁴Улуғворлиги чақмоқдай чақнар,Нур сочилар Унинг қўлидан —Куч яширинган билагидан.

⁵Унинг олдида юради ўлат,Унинг кетидан эргашади офат.

⁶Тўхтаганда ер силкинади,Назар солганда халқларни титроқ босади.Унинг қадимдан юрган йўлларидагиМангу тоғлар ўпирилиб тушади,Абадий қирлар чўкиб паст бўлади.

⁷Кушондаги одамларнинг қўрққанини мен кўряпман,Мидиёндаги одамларнинг дағ–дағ қалтираганини кўряпман.

⁸Эй, Эгам, наҳотки ғазаблансанг дарёлардан?!Наҳот Сенинг жаҳлинг чиқса ирмоқлардан?!Ёки Сенинг қасдинг бормиди денгиздан?!Шунинг учун отларингни чоптирасанми,Зафарли жанг араваларингга миниб оласанми?!

⁹Сен ғилофдан чиқарасан камонингни,Ўқларга тўлдирасан ўқдонингни.Дарёлар билан ёрасан ер юзини.

¹⁰Буни кўрганда тоғларни дард тутар,Шиддатли оқим кўпириб оқар.Денгиз чуқуридан нидо янграр,Денгиз тўлқинлари кўкка интилар.

¹¹Сенинг ўқларинг учиб чақнайди,Найзаларинг ялт этиб ёнади.Бундан қуёшу ой ўз жойида қотиб туради.

¹²Сен жаҳл устида босиб ўтарсан ер юзини,Ғазабга миниб оёқ ости қиларсан халқларни.

¹³Қутқариш учун келасан Ўз халқингни,Ўз танлаганинг орқали озод қилиш–чун уларни.Фосиқ халқнинг йўлбошчисини урасан,Бошдан–оёқ уни шилиб ташлайсан.

¹⁴Ғанимларимиз қуюн каби келяптилар,Бизни ҳар ёққа тарқатиб юбормоқчи бўляптилар.Ўз уясида ўлжасини ғажиган йиртқич ҳайвондай,Кучсиз овидан ўзида йўқ севиняптилар.Сен эса уларнинг йўлбошчисини ўз ўқлари билан ҳалок қиласан.

¹⁵Отларинг туёқлари денгизни босиб эзади,Баҳайбат сувларни бир жойга йиғиб қўяди.”</p>

¹⁶Мен буларни эшитдим.Шунда увушди менинг юрагим,Титрай бошлади лабларим,Мадорим қолмай, қалтиради тиззаларим.Аммо мен сабр–тоқат қиламан,Босқинчиларимиз бошига тушадиган кулфат кунини кутаман.

¹⁷Борди–ю, анжир дарахти гулламай қолса,Узум токлари мева тугмаса,Зайтун дарахтлари ҳосил бермаса,Даладаги экинлар унмай қолса,Қўраларда қўйлар қолмаса,Оғилхоналар бўм–бўш бўлса,

¹⁸Шунда ҳам Эгамдан шод бўлурман,Нажоткорим Худодан қувонурман.Ижрочилар раҳбарига. Торли асбоблар жўрлигида.