Read Ўзбек тилидаги Муқаддас Китоб, 2013 Янги аҳд 1 Bible Online

Янги аҳд 1 - Ўзбек тилидаги Муқаддас Китоб, 2013 bible

Янги аҳд 1

¹Иброҳим ва Довуд авлодидан бўлган Исо Масиҳнинг насабномаси қуйидагича:</p>

²Иброҳимдан Исҳоқ туғилди.Исҳоқдан Ёқуб туғилди.Ёқубдан Яҳудо ва унинг ака–укалари туғилдилар.

³Яҳудо ва Тамарадан Параз ва Зараҳ туғилдилар.Параздан Хазрон туғилди.Хазрондан Oрам туғилди.

⁴Орамдан Оминадов туғилди.Оминадовдан Нахшўн туғилди.Нахшўндан Салмўн туғилди.

⁵Салмўн ва Раҳобадан Бўаз туғилди.Бўаз ва Рутдан Обид туғилди.Обиддан Эссай туғилди.

⁶Эссайдан шоҳ Довуд туғилди.</p>Шоҳ Довуд ва Уриёнинг собиқ хотинидан Сулаймон туғилди.

⁷Сулаймондан Рахабом туғилди.Рахабомдан Абиё туғилди.Абиёдан Осо туғилди.

⁸Осодан Ёҳушафат туғилди.Ёҳушафатдан Йўрам туғилди.Йўрамдан Уззиё туғилди.

⁹Уззиёдан Йўтом туғилди.Йўтомдан Охоз туғилди.Охоздан Хизқиё туғилди.

¹⁰Хизқиёдан Манаше туғилди.Манашедан Омон туғилди.Омондан Йўшиё туғилди.

¹¹Исроил халқи Бобилга сургун қилинган даврдаЙўшиё Ехониёни ва бошқа ўғил фарзандларни кўрди.</p>

¹²Исроил халқи Бобилга сургун қилингандан кейинЁхониёдан Шалтиёл туғилди.Шалтиёлдан Зарубабел туғилди.

¹³Зарубабелдан Абиҳуд туғилди.Абиҳуддан Элияқим туғилди.Элияқимдан Азўр туғилди.

¹⁴Азўрдан Зодўх туғилди.Зодўхдан Ахим туғилди.Ахимдан Элиҳуд туғилди.

¹⁵Элиҳуддан Элазар туғилди.Элазардан Маттан туғилди.Маттандан Ёқуб туғилди.

¹⁶Ёқубдан Марямнинг эри Юсуф туғилди.Марямдан эса Масиҳ деб аталган Исо туғилди.

¹⁷Шундай қилиб, Иброҳимдан Довудгача ҳаммаси бўлиб ўн тўрт насл, Довуддан Бобилдаги сургунгача ўн тўрт насл ва Бобилдаги сургундан Масиҳ туғилгунгача ўн тўрт наслдир.</p>

¹⁸Исо Масиҳнинг туғилиши шундай содир бўлди: Исонинг онаси Марям Юсуфга унаштириб қўйилган эди. Уларнинг никоҳидан олдин Марям Муқаддас Руҳдан ҳомиладор эканини билди.

¹⁹Марямнинг бўлғуси эри Юсуф солиҳ одам бўлиб, Марямни шарманда қилишни истамай, бировга билдирмасдан фотиҳасини бузмоқчи бўлди.

²⁰Юсуф бу ҳақда ўйлаб юрганда, Эгамизнинг бир фариштаси унга тушида зоҳир бўлиб деди: “Эй Довуд ўғли Юсуф! Марямга уйланишдан қўрқма, чунки қорнидаги бола Муқаддас Руҳдан пайдо бўлган.

²¹Марям Ўғил туғади, Унинг исмини Исо қўясан, чунки У Ўз халқини гуноҳлардан қутқаради.”

²²Бу барча воқеалар Эгамизнинг пайғамбар орқали айтган қуйидаги сўзлари бажо бўлиши учун юз берган эди:

²³“Қиз ҳомиладор бўлади, у ўғил туғади,Унинг исмини Иммануил, деб қўйишади.”Иммануил “Худо биз билан” деганидир.

²⁴Юсуф уйғониб кетди. Эгамизнинг фариштаси буюргандек, у Марямга уйланди.

²⁵Аммо Марям Ўғил туғмагунича унга яқинлашмади. Бола туғилганда эса Юсуф Унга Исо деб исм қўйди.