Read Ўзбек тилидаги Муқаддас Китоб, 2013 Янги аҳд 15 Bible Online

Янги аҳд 15 - Ўзбек тилидаги Муқаддас Китоб, 2013 bible

Янги аҳд 15

¹Қуддусданфарзийлар ва Таврот тафсирчилари Исонинг олдида келиб, шундай дедилар:

²— Нега Сизнинг шогирдларингиз ота–боболаримизнинг урф–одатларига амал қилмаяптилар? Нега овқатланишдан олдин қўлларини ювмайдилар?

³Исо уларга жавоб бериб деди:— Ўзларингиз–чи? Нега ўз урф–одатингизни деб, Худонинг амрини бузиб юрибсизлар?

⁴Худо: “Ота–онангизни ҳурмат қилинг. Отасини ёки онасини хўрлаган ҳар қандай одамга ўлим жазоси берилсин”, деб айтган.

⁵Аммо сизлар шундай таълим берасизлар: oдам ўз отаси ёки онасига: “Фарзандлик бурчим — Худога инъом қилинган, — деса,

⁶— у ота–онасини ҳурмат қилмаса ҳам бўлади.” Шу тариқа сизлар ўз таълимотингиз билан Худонинг каломини бекор қиляпсизлар.

⁷Сизлар иккиюзламачисизлар! Ишаё пайғамбар сиз ҳақингизда тўғри айтган:

⁸“Бу халқ Мени тилдагина иззат қилади,Юраклари эса Мендан узоқдир.

⁹Улар Менга сажда қиладилар,Аммо саждалари беҳудадир.Чунки улар инсон яратган қоидаларниИлоҳий қонун, деб ўргатадилар.”</p>

¹⁰Кейин Исо халқни ёнига чақириб, деди:— Менга қулоқ солиб, тушуниб олинглар!

¹¹Оғизга кирадиган нарса эмас, балки оғиздан чиқадиган нарса инсонни ҳаром қилади.

¹²Шунда шогирдлар Исонинг олдига бориб дедилар:— Айтган бу гапингиз фарзийларга қаттиқ ботганини билдингизми?

¹³Исо шундай жавоб берди:— Осмондаги Отам ўтқазмаган ҳар қандай ўсимлик илдизи билан суғуриб ташланади.

¹⁴Фарзийларга эътибор берманглар. Улар ўзлари кўр ва кўрларга йўлбошчилик қиладилар. Агар кўр одам кўрни етакласа, иккаласи ҳам чуқурга йиқилиб тушади.

¹⁵Шунда Бутрус:— Халққа айтган гапингизни бизга тушунтириб беринг! — деди.

¹⁶— Шунчалик ҳам бефаҳм бўласизларми?! — деди Исо. —

¹⁷Оғизга кирадиган ҳар бир нарса қоринга ўтиб, керакли жойдан чиқиб кетишини наҳотки тушунмасангизлар?

¹⁸Аммо оғиздан чиқадиган нарсалар юракдан чиқади. Ана ўшалар инсонни ҳаром қилади.

¹⁹Чунки инсон юрагидан ёмон фикрлар, қотиллик, фаҳшу зино, ўғирлик, сохта гувоҳлик ва туҳмат чиқади.

²⁰Ана шулар инсонни ҳаром қилади. Ювилмаган қўл билан овқат ейиш эса инсонни ҳаром қилмайди.</p>

²¹Исо у ердан кетиб, Тир ва Сидон ҳудудларига борди.

²²Шу ерда яшайдиган бир канъонлик аёл Исонинг олдига келиб, фарёд қилди:— Эй Ҳазрат, Довуднинг Ўғли, менга раҳм қилинг! Қизимни жин чалган, аҳволи ёмон!

²³Исо унга бир оғиз сўз ҳам жавоб бермади. Шогирдлари Исонинг олдига келиб, илтимос қилдилар:— Уни жўнатиб юборинг! Ахир, у кетимиздан қолмай, додлаб юрибди.

²⁴Исо эса шундай деди:— Худо Мени фақат Исроил халқининг адашган қўйлари олдига юборди.

²⁵Аёл эса келиб, Исонинг олдига тиз чўкди–да:— Ёрдам беринг, Ҳазрат! — деб ёлворди.

²⁶Исо эса:— Болалардан нонни олиб кучукларга ташлаш яхши эмас, — деди.

²⁷— Тўғри, Ҳазрат, — деди аёл. — Лекин кучуклар ҳам хўжайинларининг дастурхонидан тўкилган ушоқларини ейди–ку.

²⁸Шунда Исо:— Эй аёл, сенинг ишончинг буюк! — деди. — Майли, сен истаганингдай бўлсин.Шу заҳоти аёлнинг қизи соғайиб қолди.</p>

²⁹Исо у ердан чиқиб, Жалила кўли бўйлаб кетди. Сўнг тоққа чиқиб, ўтирди.

³⁰Исонинг олдига бир талай оломон келди. Улар ўзлари билан чўлоқ, кўр, майиб, соқов ва бошқа кўплаб хасталарни олиб келиб, Исонинг оёқлари томонига ўтқиздилар. Исо уларнинг ҳаммасига шифо берди.

³¹Соқовларнинг гапирганини, майибларнинг соғайганини, чўлоқларнинг юрганини ва кўрларнинг кўзлари очилганини халқ кўриб, ҳайратда қолди. Улар Исроилнинг Худосини олқишладилар.</p>

³²Исо шогирдларини ёнига чақириб деди:— Халққа ачиняпман. Улар уч кундан бери Мен билан бирга, ейишга ҳеч нарсаси йўқ. Уларга овқат бермай жўнатиб юборишни хоҳламайман, йўлда ҳолдан тойиб қолишлари мумкин.

³³Шогирдлари Унга:— Шу қадар катта оломонни тўйдириш учун бу кимсасиз жойда қаердан нон оламиз?! — дейишди.

³⁴— Қанча нонларингиз бор? — деб сўради Исо.— Еттита нон ва озгина майда балиғимиз бор, — деди шогирдлар.

³⁵Шундан кейин Исо халққа ерга ўтиришни буюрди.

³⁶Еттита нон ва балиқларни олиб, шукрона дуосини ўқиди. Нон ва балиқларни синдириб, тарқатиш учун шогирдларига берди. Шогирдлар халққа тарқатишди.

³⁷Ҳамма еб тўйди. Ортиб қолган нон бурдаларини йиғишганда, тўла етти сават чиқди.

³⁸Болалар билан аёлларни ҳисобга олмаганда, нон еганларнинг сони тўрт мингта эди.

³⁹Шундан кейин Исо одамларга кетишга ижозат берди, Ўзи эса қайиққа ўтириб, Магадан ҳудудига йўл олди.