Read Ўзбек тилидаги Муқаддас Китоб, 2013 Янги аҳд 4 Bible Online

Янги аҳд 4 - Ўзбек тилидаги Муқаддас Китоб, 2013 bible

Янги аҳд 4

¹Иблиснинг синовидан ўтиши учун Муқаддас Руҳ Исони саҳрога бошлаб кетди.

²Исо қирқ кун ва қирқ кеча рўза тутди, охири оч қолди.

³Шунда иблис келиб, Исони васвасага солмоқчи бўлиб деди:— Агар Сен Худонинг Ўғли бўлсанг, бу тошларга буюр, нонга айлансин!

⁴Исо унга жавобан деди:— Ёзилганки: “Инсон фақат нон билан эмас, балки Худонинг оғзидан чиққан ҳар бир сўз билан яшайди.”

⁵Кейин иблис Исони муқаддас шаҳар Қуддусга олиб борди. Уни Маъбаднинг энг юқори жойига чиқариб,

⁶шундай деди:— Агар Сен Худонинг Ўғли бўлсанг, Ўзингни пастга ташла. Ахир, ёзилган–ку:“У сен тўғрингда фаришталарига амр беради,Оёғинг тошга қоқилиб кетмасин, деяФаришталар қўлларида сени кўтариб боради.”

⁷Иблисга Исо деди:— “Эганг Худони синама”, деб ҳам ёзилган.

⁸Сўнг иблис Исони баланд бир тоққа олиб чиқди. Унга оламнинг барча шоҳликларини ҳамда уларнинг ҳашаматини кўрсатиб,

⁹деди:— Агар тиз чўкиб менга сажда қилсанг, буларнинг ҳаммасини Сенга бераман.

¹⁰Шунда Исо деди:— Йўқол кўзимдан, шайтон! Ахир: “Эганг Худога сажда қил, фақат Унга хизмат қил” деб ёзилган–ку!

¹¹Шундан кейин Исони иблис тарк этди. Фаришталар келиб, Исога хизмат қилдилар.</p>

¹²Исо Яҳёнинг ҳибсга олинганини эшитгач, Жалилага қайтиб борди.

¹³У Носира шаҳрида қолмай, Кафарнаҳумга бориб ўрнашди. Кафарнаҳум шаҳри Забулун ва Нафтали ҳудудидаги Жалила кўли бўйида жойлашган эди.

¹⁴Шундай қилиб, Ишаё пайғамбарнинг айтган қуйидаги сўзлари бажо бўлди:

¹⁵“Эй Забулун ва Нафтали юрти!Иорданнинг нариги томонида жойлашган,Денгиз йўлидаги ғайрияҳудийлар Жалиласи!

¹⁶Зулматда юрган халқ ёрқин зиёни кўрди,Ўлим соя солган юрт аҳолиси устига нур сочилди.”

¹⁷Шу кундан бошлаб Исо: “Тавба қилинглар, чунки Осмон Шоҳлиги яқинлашди”, — деб ваъз қиладиган бўлди.</p>

¹⁸Исо Жалила кўли бўйлаб кетаётган эди, икки ака–укани кўриб қолди. Бирининг исми Бутрус деб аталувчи Шимўн, укасиники Идрис эди. Улар балиқчи бўлиб, кўлга тўр ташлаётган эдилар.

¹⁹Исо уларга деди: “Ортимдан юринглар, Мен сизларга одамларни овлашни ўргатаман.”

²⁰Шу заҳотиёқ иккала ака–ука тўрларини қолдириб, Исога эргашдилар.

²¹Исо бир оз юргандан кейин, Ёқуб ва Юҳанно деган икки ака–укани кўриб қолди. Улар отаси Забадий билан қайиқда тўр ямаётган эдилар. Исо уларни ҳам чақирди.

²²Улар ҳам дарҳол қайиқни ва отасини қолдириб, Исонинг орқасидан эргашдилар.</p>

²³Исо бутун Жалила вилоятини кезиб юрарди. У синагогаларда таълим бериб, Осмон Шоҳлиги тўғрисидаги Хушхабарни эълон қиларди, одамларнинг ҳар хил хасталиклари ва дардларига шифо берар эди.

²⁴Исо ҳақидаги хабар бутун Сурияга ёйилди. Турли–туман дарду иллатлардан қийналиб юрганларни, жинга чалинганларни, тутқаноқ ва шол касалига йўлиққанларнинг ҳаммасини Исонинг олдига келтиришарди. Исо уларнинг ҳаммасига шифо берарди.

²⁵Жалиладан, Декаполисдан, Қуддусдан, Яҳудиядан ва Иорданнинг нариги томонидаги ерлардан кўплаб одамлар Исога эргашиб келарди.