Read Ўзбек тилидаги Муқаддас Китоб, 2013 Лука 3 Bible Online

Лука 3 - Ўзбек тилидаги Муқаддас Китоб, 2013 bible

Лука 3

¹Қайсар Тибериус ҳукмронлигининг ўн бешинчи йили эди. ЯҳудиядаПўнтий Пилат Римлик ҳоким эди. Жалилада Ҳирод, Итурея билан Трахонит вилоятларида Ҳироднинг укаси Филип, Авилина вилоятида Лисаний ҳукмронлик қилар,

²Ҳанан ва Каяфа эса олий руҳоний эдилар.Ўша вақтда саҳрода яшаётган Закариёнинг ўғли Яҳёга Худонинг сўзи келди.

³У Иордан дарёси атрофидаги ерларни кезиб, одамларга: “Гуноҳларингиздан тавба қилиб, сувга чўминглар, шунда Худо гуноҳларингизни кечиради”, деб ваъз қиларди.

⁴Шу тариқа Ишаё пайғамбар ўз китобида ёзган қуйидагича башорати амалга ошди:“Саҳрода бир овоз янграмоқда:Эгамизга йўл ҳозирланг,Унга тўғри йўл очинг!”

⁵Ҳар бир жарлик тўлдирилади,Ҳар бир тоғу тепалик пасаяди.Қинғир–қийшиқ йўллар ростланади,Ўнқир–чўнқир сўқмоқлар текис бўлади.

⁶Бутун жонзот Худонинг нажотини кўради!”

⁷Катта бир оломон сувга чўмдирилиш учун Яҳёнинг олдига келди. Яҳё уларга деди:— Ҳой, илонлар зоти! Бошингизга келаётган Худо ғазабидан қочиб қутуласиз, деб сизларга ким айтди?

⁸Бундан кейин тавбага яраша самара беринглар! Ўзингизча: “Биз Иброҳим наслиданмиз”, деб айтишни хаёлингизга ҳам келтирманглар! Сизларга шуни айтай: Худо мана бу тошлардан Иброҳимга авлод тиклашга қодир.

⁹Ҳозирданоқ дарахтлар илдизида болта ётибди. Яхши мева бермаган ҳар бир дарахт кесилиб, оловга ташланади.

¹⁰Оломон Яҳёдан сўради:— Ундай бўлса, биз нима қилишимиз керак?

¹¹У жавоб бериб, деди:— Кимнинг иккита кўйлаги бўлса, бирини кўйлаги бўлмаган одамга берсин. Кимнинг озиқ–овқати бўлса, у ҳам овқати йўқлар билан бўлишсин.

¹²Солиқчилардан баъзилари ҳам сувга чўмдирилиш учун келиб, Яҳёдан:— Устоз, биз нима қилишимиз керак? — деб сўрашди.

¹³Яҳё уларга шундай жавоб берди:— Белгиланганидан ортиғини одамлардан талаб қилманглар.

¹⁴Баъзи бир аскарлар ҳам ундан:— Биз–чи?! Биз нима қилишимиз керак? — деб сўрадилар. Яҳё уларга деди:— Бировларни ноҳақ айблаб, пул орттирманглар, маошингиз билан қаноатланинглар.

¹⁵Халқ Масиҳнинг келишини орзиқиб кутарди. Улар: “Яҳё Масиҳ эмасмикин?” деган фикрни кўнгилдан ўтказишарди.

¹⁶Яҳё уларнинг ҳаммасига шундай деди:— Мен сизларни сувга чўмдиряпман. Лекин ортимдан мендан ҳам қудратлироқ бўлган бир Зот келмоқда. Мен Унинг чориқ ипларини ечишга ҳам арзимайман. У сизларни Муқаддас Руҳга ва оловга чўмдиради.

¹⁷Унинг паншахаси қўлида тайёр турибди. У Ўз хирмонини шопиради: буғдойни Ўз омборига тўплаб, сомонни эса сўнмас ўтда ёндириб юборади.

¹⁸Яҳё яна кўп бошқа насиҳатлар бериб, халққа Хушхабарни эълон қиларди.

¹⁹Вилоят ҳукмдори Ҳироднинг қилмишларини эса фош қилди. Чунки Ҳирод ўз укасининг хотини Ҳиродияга уйланган ва яна бошқа ёмон ишлар ҳам қилганди.

²⁰Шуниси етмагандай, у Яҳёни ҳам зиндонга қаматиб қўйди.</p>

²¹Бутун халқ сувга чўмдирилаётганда, Исо ҳам сувга чўмдирилди. У ибодат қилиб турганда осмон очилиб кетди

²²ва МуқаддасРуҳ каптар шаклида Унинг устига тушиб келди. Осмондан эса: “Сен Менинг севикли Ўғлимсан, Сендан ниҳоятда мамнунман”, — деган овоз келди.</p>

²³Исо хизматини бошлаганда ўттиз ёшларда эди. Одамлар Уни Юсуфнинг ўғли деб ҳисоблардилар.Юсуф эса — Элининг ўғли,

²⁴Эли — Маттотнинг ўғли, Маттот — Левининг ўғли,Леви — Малкийнинг ўғли, Малкий — Янайнинг ўғли, Янай — Юсуфнинг ўғли,

²⁵Юсуф — Маттатиёнинг ўғли, Маттатиё — Амоснинг ўғли,Амос — Нохумнинг ўғли, Нохум — Ҳеслининг ўғли, Ҳесли — Нагайнинг ўғли,

²⁶Нагай — Маҳатнинг ўғли, Маҳат — Маттатиёнинг ўғли,Маттатиё — Шимейнинг ўғли, Шимей — Йўсеҳнинг ўғли, Йўсеҳ — Йўдонинг ўғли,

²⁷Йўдо — Ёҳананнинг ўғли, Ёҳанан — Резонинг ўғли,Резо — Зарубабелнинг ўғли, Зарубабел — Шалтиёлнинг ўғли, Шалтиёл — Нерийнинг ўғли,

²⁸Нерий — Малкийнинг ўғли, Малкий — Аддийнинг ўғли,Аддий — Қосамнинг ўғли, Қосам — Элмодамнинг ўғли, Элмодам — Гернинг ўғли,

²⁹Гер — Ёшуанинг ўғли, Ёшуа — Элиазарнинг ўғли,Элиазар — Ёримнинг ўғли, Ёрим — Маттотнинг ўғли, Маттот — Левининг ўғли,

³⁰Леви — Шимўннинг ўғли, Шимўн — Яҳудонинг ўғли,Яҳудо — Юсуфнинг ўғли, Юсуф — Юнамнинг ўғли, Юнам — Элияқимнинг ўғли,

³¹Элияқим — Малиёнинг ўғли, Малиё — Маннонинг ўғли,Манно — Маттатонинг ўғли, Маттато — Натаннинг ўғли, Натан — Довуднинг ўғли,

³²Довуд — Эссайнинг ўғли, Эссай — Обиднинг ўғли,Обид — Бўазнинг ўғли, Бўаз — Салмўннинг ўғли, Салмўн — Наҳшўннинг ўғли,

³³Наҳшўн — Оминадовнинг ўғли, Оминадов — Админнинг ўғли, Админ — Арнийнинг ўғли,Арний — Ҳасрўннинг ўғли, Ҳасрўн — Параснинг ўғли, Парас — Яҳудонинг ўғли,

³⁴Яҳудо — Ёқубнинг ўғли, Ёқуб — Исҳоқнинг ўғли,Исҳоқ — Иброҳимнинг ўғли, Иброҳим — Тераҳнинг ўғли, Тераҳ — Нахўрнинг ўғли,

³⁵Нахўр — Саруғнинг ўғли, Саруғ — Рағунинг ўғли,Рағу — Палахнинг ўғли, Палах — Ибирнинг ўғли, Ибир — Шалаҳнинг ўғли,

³⁶Шалаҳ — Хенаннинг ўғли, Хенан — Арпахшоднинг ўғли,Арпахшод — Сомнинг ўғли, Сом — Нуҳнинг ўғли, Нуҳ — Ламакнинг ўғли,

³⁷Ламак — Матушалоҳнинг ўғли, Матушалоҳ — Ханўхнинг ўғли,Ханўх — Ёреднинг ўғли, Ёред — Махалиёлнинг ўғли, Махалиёл — Хенаннинг ўғли,

³⁸Хенан — Энўшнинг ўғли, Энўш — Шиснинг ўғли,Шис — Одам Атонинг ўғли, Одам Ато — Худонинг ўғли эди.