Read Ўзбек тилидаги Муқаддас Китоб, 2013 Қонунлар 32 Bible Online

Қонунлар 32 - Ўзбек тилидаги Муқаддас Китоб, 2013 bible

Қонунлар 32

¹Эй само, қулоқ сол, мен гапираман.Эй замин, оғзимдан чиққан сўзларни эшит.

²Таълимотим ёмғир каби ёғсин,Сўзларим шудринг каби тушсин,Майсаларни сийпалайдиган ёмғир томчиларидай,Ўтлар устига ёғадиган мўл ёмғирдай бўлсин.

³Эгамизнинг номини улуғлайман!Худойимизнинг буюклигига ҳамдлар ўқинг!

⁴У суянган Қоям, Унинг ишлари комил,Ҳамма йўллари адолатлидир.Худо садоқатлидир, Унда ёлғон йўқ,У ҳақ ва одилдир.

⁵Аммо сизлар Унга содиқ қолмадингиз!Эй бузуқ ва эгри насл,Энди сизлар Унинг фарзандлари, деб аталмайсиз,Бу сизларнинг иснодингиздир.

⁶Эгамизга шундай қайтарасизми,Эй аҳмоқ, нодон халқ?!У сизларни яратган Отангиз–ку!Сизга шакл берган Яратувчингиз–ку!

⁷Қадимги кунларни эсланг,Узоқ ўтмишни ўйланг.Оталарингиздан сўранг, у сизларга айтиб беради,Оқсоқоллардан сўранг, сизларга гапириб беришади.

⁸Худойи Таоло халқларга ерни бўлиб берганда,Одамзодни ер юзига тарқатганда,Халқларнинг чегараларини,Илоҳий зотлар сонига кўра, белгилаганди.

⁹Ёқуб наслини эса Эгамиз Ўзига улуш қилиб олди,Исроилни Ўз насибаси қилди.

¹⁰Эгамиз Исроилни саҳродан,Увиллайдиган даштдан топиб олди.Уни Ўз бағрига олди,Унга ғамхўрлик қилиб,Кўз қорачиғидай сақлади.

¹¹Гўё бургут инидагиларни уйғотиб,Ўз полапонлари узра айлангандай,Қанотларини ёйиб, полапонларини кўтаргандай,Қанотлари устида уларни олиб юргандай,

¹²Эгамизнинг ёлғиз Ўзи Исроилни олиб юрди,Ёнида бошқа худо йўқ эди.

¹³Ернинг чўққиларига Исроилни ҳукмдор қилди,Даланинг ҳосили билан уни тўйдирди.Тошдан чиққан асал билан,Тошлоқ ерда ўсган зайтунларнингмойи билан боқди.

¹⁴Сигир қатиғию эчки сути билан,Қўзичоқ ва қўй думбаси билан,Башан қўчқорию бузоқлари гўшти,Аъло буғдой билан боқди.Узумдан қилинган аъло шаробдан ичирди.

¹⁵Азизим Исроил семириб, ўжар бўлди.У семириб, шишиб кетди, охири бўкиб қолди.Ўзини яратган Худодан юз ўгириб,Ўз нажот Қоясини хор қилди.

¹⁶Бошқа худоларга сажда қилиб, Унинг рашкини келтирди.Жирканчли бутлар билан Унинг ғазабини қўзғатди.

¹⁷Худога эмас, жинларга қурбонлик келтирди.Бу худоларни ўзлари билмас эди,Бу худолар яқинда пайдо бўлган,Oта–боболари улардан қўрқмаган эди.

¹⁸Эвоҳ, эй Исроил, сени туққан Худони эсламадинг,Сени дунёга келтирган Қояни унутдинг.

¹⁹Эгамиз буларни кўриб, уларни рад этди,Ўз ўғил–қизлари Унинг ғазабини келтирганди.

²⁰У шундай деди: “Бу халқдан юзимни ўгираман,Уларнинг аҳволи нима бўлишини кўраман.Ахир, улар эгри насл, садоқатсиз фарзандлардир.

²¹Улар Худо бўлмаган бутлар билан рашкимни келтирдилар,Бетайин худолари билан ғазабимни қўзғатдилар.Мен ҳам халқ бўлмаганлар билан уларнинг рашкини келтираман,Ақлсиз бир халқ билан ғазабини қўзғатаман.

²²Ғазабимдан олов чиқади,Ўликлар диёрининг энг чуқур жойигача ёндиради,Ерни, ҳосилини куйдиради,Тоғ пойдеворини кул қилади.

²³Уларга кулфат кетидан кулфат келтираман,Ўқларимни битта қўймай уларга отаман:

²⁴Очлик уларнинг силласини қуритади,Иситма ёндириб куйдиради,Офат жонларини олади.Ёввойи ҳайвонлар уларни тилка–пора қилади,Ерда судраладиган илонлар заҳрини сочади.

²⁵Кўчаларда йигиту қизларни қилич ҳалок қилади,Уйларда эса чақалоғу оқ сочли кексаларни ваҳима ўлдиради.

²⁶Ҳа, Мен уларни сочиб ташлаган бўлардим,Одамлар орасидан уларнинг хотирасини ўчириб юборган бўлардим,

²⁷Аммо душманнинг мазахидан ҳайиқдим,Ғанимлар нотўғри тушунмасин, дедим.‘Исроилни Эгаси эмас, биз мағлуб қилдик’, дебЎйламасин дедим.”

²⁸Исроил ақлини йўқотган, идроксиз халқдир.

²⁹Агар уларда ақл бўлса эди, тушунарди,Оқибати нима бўлишини биларди.

³⁰Ана, Эгаси Исроилни тарк этди,Суянган Қояси уларни душманга бериб қўйди.Акс ҳолда бир киши Исроилнинг мингтасини таъқиб қила олармиди?!Икки киши Исроилнинг ўн мингтасини ҳайдай олармиди?!

³¹Ҳатто душманлари тан олади,Исроил Худоси қудратли Қоя эканлигини.

³²Исроилнинг душманлари узум токига ўхшар,Садўм ва Ғамўра далаларида ўсар,Узумзорларининг меваси заҳарли,Узумлари оғу сингари аччиқдир.

³³Уларнинг шароби аждарҳо заҳри,Илонларнинг қўрқинчли оғусидир.

³⁴Эгамиз шундай дейди:“Мен Исроил душманлариниНималар қилишни дилимда тутаман,Ўшаларни хазинамда сақлайман.

³⁵Уларнинг оёқлари чалишгандаМен қасос оламан, жазосини бераман.Уларнинг ҳалокат куни яқиндир,Уларнинг қисмати ҳал бўлади.”

³⁶Эгамизнинг халқи кучдан қолганда,Эркину эрксизлар нобуд бўлганда,Эгамиз Ўз халқини оқлайди,Ўз қулларига раҳм–шафқат қилади.

³⁷Шунда Эгамиз Ўз халқидан сўрайди:“Ишонган худоларингиз қани?!Сиз паноҳ олган қоянгиз қани?!

³⁸Сизлар ўшаларга қурбонлик ёғидан едирдингиз,Назр шаробидан ичирдингиз.Энди улар келиб, сизларга ёрдам берсин!Ўшалар сизга қалқон бўлиб кўрсин!

³⁹Билиб қўйинг, Мен ягонаман!Мендан бошқа Худо йўқдир.Ўлдирадиган Менман,Ҳаёт берадиган ҳам Менман,Жароҳат етказадиган Менман,Шифо берадиган ҳам Менман.Менинг қўлимдан ҳеч ким қутула олмайди.

⁴⁰Мен барҳаёт Худо бўлганим ҳақи,Қўлимни осмонга кўтариб, онт ичиб айтаманки:

⁴¹Мен ялтироқ қиличимни чархлайман,Адолат ўрната бошлайман.Душманларимдан қасос оламан,Мендан нафратланганларга қайтараман.

⁴²Ҳалок бўлганлар ва асирларнинг қони биланЎқларимни маст қиламан,Ёв лашкарбошиларнинг каллалари биланҚиличимни этга тўйдираман.”

⁴³Эй эллар, Унинг халқи билан шодланинг,У қулларининг ўлими учун ўч олади.Душманларидан қасос олиб,Юрти ва халқини гуноҳдан поклайди.

⁴⁴Мусо Нун ўғли Ёшуа билан бирга бу қўшиқнинг барча сўзларини овоз чиқариб, халққа айтиб берди.</p>

⁴⁵Мусо мана шу сўзларнинг ҳаммасини бутун Исроил халқига айтиб бергандан кейин,

⁴⁶уларга шундай деди:— Бугун мен сизларни огоҳлантириб, айтган сўзларнинг ҳаммасини юрагингизда сақланг. Болаларингизга ҳам буюринг, мана шу қонуннинг сўзларини битта қолдирмай бажаришсин.

⁴⁷Бу шунчаки қуруқ сўзлар эмас, балки сизларнинг ҳаётингиздир. Мана шу сўзлар туфайли сизлар мулк қилиб оладиган Иорданнинг нариги томонидаги юртда узоқ яшайсизлар.

⁴⁸Эгамиз ўша куни Мусога шундай деди:

⁴⁹— Аборим тизмасидаги Наво тоғига чиқ. Бу тоғ Ерихо шаҳри рўпарасидаги Мўаб юртида жойлашган. У ердан Мен Исроил халқига мулк қилиб бераётган Канъон юртига қара.

⁵⁰Аканг Ҳорун Хўр тоғида оламдан ўтгандай, сен ҳам ўзинг чиқадиган тоғда оламдан ўтасан.

⁵¹Икковингиз Исроил халқининг олдида Менга садоқатсизлик қилган эдингиз. Сизлар Зин чўлида, Марива сувлари бўйидаги Кадеш ёнида Исроил халқига муқаддаслигимни намоён қилмаган эдингиз.

⁵²Шунинг учун сен ўша юртни узоқдан кўрасан. Мен Исроил халқига бераётган ўша ерга сен кирмайсан.