Read اردو جیو ورژن ۱۔تواریخ 24 Bible Online

۱۔تواریخ 24 - اردو جیو ورژن bible

۱۔تواریخ 24

¹ہارون کی اولاد کو بھی مختلف گروہوں میں تقسیم کیا گیا۔ ہارون کے چار بیٹے ندب، ابیہو، اِلی عزر اور اِتمر تھے۔

²ندب اور ابیہو اپنے باپ سے پہلے مر گئے، اور اُن کے بیٹے نہیں تھے۔ اِلی عزر اور اِتمر امام بن گئے۔

³داؤد نے اماموں کو خدمت کے مختلف گروہوں میں تقسیم کیا۔ صدوق اور اخی مَلِک نے اِس میں داؤد کی مدد کی (صدوق اِلی عزر کی اولاد میں سے اور اخی مَلِک اِتمر کی اولاد میں سے تھا)۔

⁴اِلی عزر کی اولاد کو 16 گروہوں میں اور اِتمر کی اولاد کو 8 گروہوں میں تقسیم کیا گیا، کیونکہ اِلی عزر کی اولاد کے اِتنے ہی زیادہ خاندانی سرپرست تھے۔

⁵تمام ذمہ داریاں قرعہ ڈال کر اِن مختلف گروہوں میں تقسیم کی گئیں، کیونکہ اِلی عزر اور اِتمر دونوں خاندانوں کے بہت سارے ایسے افسر تھے جو پہلے سے مقدِس میں رب کی خدمت کرتے تھے۔

⁶یہ ذمہ داریاں تقسیم کرنے کے لئے اِلی عزر اور اِتمر کی اولاد باری باری قرعہ ڈالتے رہے۔ قرعہ ڈالتے وقت بادشاہ، اسرائیل کے بزرگ، صدوق امام، اخی مَلِک بن ابیاتر اور اماموں اور لاویوں کے خاندانی سرپرست حاضر تھے۔ میرمنشی سمعیاہ بن نتنی ایل نے جو خود لاوی تھا خدمت کے اِن گروہوں کی فہرست ذیل کی ترتیب سے لکھ لی جس طرح وہ قرعہ ڈالنے سے مقرر کئے گئے،

⁷1۔ یہویریب، 2۔ یدعیاہ،

⁸3۔ حارِم، 4۔ سعوریم،

⁹5۔ ملکیاہ، 6۔ میامین،

¹⁰7۔ ہقوض، 8۔ ابیاہ،

¹¹9۔ یشوع، 10۔ سکنیاہ،

¹²11۔ اِلیاسب، 12۔ یقیم،

¹³13۔ خُفّاہ، 14۔ یسبِئاب،

¹⁴15۔ بِلجہ، 16۔ اِمّیر،

¹⁵17۔ خزیر، 18۔ فِضیض،

¹⁶19۔ فتحیاہ، 20۔ یحِزقیل،

¹⁷21۔ یکین، 22۔ جمول،

¹⁸23۔ دِلایاہ، 24۔ معزیاہ۔

¹⁹اماموں کو اِسی ترتیب کے مطابق رب کے گھر میں آ کر اپنی خدمت سرانجام دینی تھی، اُن ہدایات کے مطابق جو رب اسرائیل کے خدا نے اُنہیں اُن کے باپ ہارون کی معرفت دی تھیں۔

²⁰ذیل کے لاویوں کے مزید خاندانی سرپرست ہیں: عمرام کی اولاد میں سے سوبائیل، سوبائیل کی اولاد میں سے یحدیاہ

²¹رحبیاہ کی اولاد میں سے یِسیاہ سرپرست تھا،

²²اِضہار کی اولاد میں سے سلومیت، سلومیت کی اولاد میں سے یحت،

²³حبرون کی اولاد میں سے بڑے سے لے کر چھوٹے تک یریاہ، امریاہ، یحزی ایل اور یقمعام،

²⁴عُزی ایل کی اولاد میں سے میکاہ، میکاہ کی اولاد میں سے سمیر،

²⁵میکاہ کا بھائی یِسیاہ، یِسیاہ کی اولاد میں سے زکریاہ،

²⁶مِراری کی اولاد میں سے محلی اور مُوشی، اُس کے بیٹے یعزیاہ کی اولاد،

²⁷مِراری کے بیٹے یعزیاہ کی اولاد میں سے سوہم، زکور اور عِبری،

²⁸محلی کی اولاد میں سے اِلی عزر اور قیس۔ اِلی عزر بےاولاد تھا جبکہ قیس کے ہاں یرحمئیل پیدا ہوا۔

³⁰مُوشی کی اولاد میں سے محلی، عِدر اور یریموت بھی لاویوں کے اِن مزید خاندانی سرپرستوں میں شامل تھے۔

³¹اماموں کی طرح اُن کی ذمہ داریاں بھی قرعہ اندازی سے مقرر کی گئیں۔ اِس سلسلے میں سب سے چھوٹے بھائی کے خاندان کے ساتھ اور سب سے بڑے بھائی کے خاندان کے ساتھ سلوک برابر تھا۔ اِس کارروائی کے لئے بھی داؤد بادشاہ، صدوق، اخی مَلِک اور اماموں اور لاویوں کے خاندانی سرپرست حاضر تھے۔