Read اردو جیو ورژن زبور 113 Bible Online

زبور 113 - اردو جیو ورژن bible

زبور 113

¹رب کی حمد ہو! اے رب کے خادمو، رب کے نام کی ستائش کرو، رب کے نام کی تعریف کرو۔

²رب کے نام کی اب سے ابد تک تمجید ہو۔

³طلوعِ صبح سے غروبِ آفتاب تک رب کے نام کی حمد ہو۔

⁴رب تمام اقوام سے سربلند ہے، اُس کا جلال آسمان سے عظیم ہے۔

⁵کون رب ہمارے خدا کی مانند ہے جو بلندیوں پر تخت نشین ہے

⁶اور آسمان و زمین کو دیکھنے کے لئے نیچے جھکتا ہے؟

⁷پست حال کو وہ خاک میں سے اُٹھا کر پاؤں پر کھڑا کرتا، محتاج کو راکھ سے نکال کر سرفراز کرتا ہے۔

⁸وہ اُسے شرفا کے ساتھ، اپنی قوم کے شرفا کے ساتھ بٹھا دیتا ہے۔

⁹بانجھ کو وہ اولاد عطا کرتا ہے تاکہ وہ گھر میں خوشی سے زندگی گزار سکے۔ رب کی حمد ہو!