Read اردو جیو ورژن زبور 120 Bible Online

زبور 120 - اردو جیو ورژن bible

زبور 120

¹زیارت کا گیت۔ مصیبت میں مَیں نے رب کو پکارا، اور اُس نے میری سنی۔

²اے رب، میری جان کو جھوٹے ہونٹوں اور فریب دہ زبان سے بچا۔

³اے فریب دہ زبان، وہ تیرے ساتھ کیا کرے، مزید تجھے کیا دے؟

⁴وہ تجھ پر جنگجو کے تیز تیر اور دہکتے کوئلے برسائے!

⁵مجھ پر افسوس! مجھے اجنبی ملک مسک میں، قیدار کے خیموں کے پاس رہنا پڑتا ہے۔

⁶اِتنی دیر سے امن کے دشمنوں کے پاس رہنے سے میری جان تنگ آ گئی ہے۔

⁷مَیں تو امن چاہتا ہوں، لیکن جب کبھی بولوں تو وہ جنگ کرنے پر تُلے ہوتے ہیں۔