Read اردو جیو ورژن زبور 121 Bible Online

زبور 121 - اردو جیو ورژن bible

زبور 121

¹زیارت کا گیت۔ مَیں اپنی آنکھوں کو پہاڑوں کی طرف اُٹھاتا ہوں۔ میری مدد کہاں سے آتی ہے؟

²میری مدد رب سے آتی ہے، جو آسمان و زمین کا خالق ہے۔

³وہ تیرا پاؤں پھسلنے نہیں دے گا۔ تیرا محافظ اونگھنے کا نہیں۔

⁴یقیناً اسرائیل کا محافظ نہ اونگھتا ہے، نہ سوتا ہے۔

⁵رب تیرا محافظ ہے، رب تیرے دہنے ہاتھ پر سائبان ہے۔

⁶نہ دن کو سورج، نہ رات کو چاند تجھے ضرر پہنچائے گا۔

⁷رب تجھے ہر نقصان سے بچائے گا، وہ تیری جان کو محفوظ رکھے گا۔

⁸رب اب سے ابد تک تیرے آنے جانے کی پہرا داری کرے گا۔