Read urhobo Jẹnẹsis 5 Bible Online

Jẹnẹsis 5 - urhobo bible

Jẹnẹsis 5

¹Ọnana ọbe rẹ uvwiẹ rẹ Adam. Vwẹ ọke rẹ Ọghẹnẹ vwọ ma ohwo, ọ da ma vwẹ uhoho rẹ Ọghẹnẹ

²Ọshare vẹ aye ọ ma ayen, o de bruphihọ kẹ ayen, o de se odẹ rayen ohwo vwẹ ọke rọ vwọ ma ayen nu.

³Ọke rẹ Adam vwọ dia ikpe ujosa gbẹ ihwe nu, ọ da rhe dia ọsẹ rẹ ọmọ ro vwiẹri họhọ oma rọye, kọye uhoho rọye, o de se ode rọye Sẹt.

⁴Ẹdẹ rẹ akpọ re Adam vwẹ ọke ro vwo vwiẹ Sẹt nu da dia ikpe uri ẹne, o de ji vwiẹ emeshare kugbe emetẹ efa

⁵Kọye ẹdẹ rẹ akpọ rẹ Adam ejobi da dia ikpe uri ẹne gbe ujosa gbẹ ihwe; o ki rhi ghwu.

⁶Ri Sẹt rhe vwọ dia ikpe ujọne gbẹ iyori nure, ọ da rhe dia ọsẹ ri Inọsh.

⁷Sẹt vwo vwiẹ Inosh nu ọ da rhe dia akpọ na ikpe uri ẹne gbẹ ighwrẹ, o de vwiẹ emeshare kugbe emetẹ.

⁸Kọye ẹdẹ ri Sẹt dia akpọ na ejobi da dia uri ẹne gbẹ ujosa gbẹ ihwivẹ, o de ghwu.

⁹Ri Inọsh vwọ dia akpọ ikpe ujọne gbe ihwe re ọ da rhe dia ọsẹ ri Kenan.

¹⁰Rẹ Inọsh rhi vwo vwiẹ Kenan nu ọ da dia akpọ ikpe uri ẹne gbẹ ihwiori, o de rhe vwiẹ emeshare kugbe emetẹ efa.

¹¹Kọye ẹdẹ rẹ akpọ rẹ Inọsh ejobi da dia ikpe uri ẹne gbẹ iyori; o de ghwu.

¹²Ri Kenan vwọ dia ikpe ujorha gbẹ ihwe nure, ọ da rhe dia ọsẹ ri Mahalalẹl.

¹³Kenan rhi vwo vwiẹ Mahalalẹl nu, ọke rhe dia akpọ na ikpe uri ẹne gbẹ ujuvẹ, o ki rhe vwiẹ emeshare kugbe emetẹ.

¹⁴Kọye ẹdẹ rẹ akpọ ri Kenan ejobi da dia ikpe uri ẹne gbẹ ujori gbẹ ihwe; o de ghwu.

¹⁵Ri Mahalalẹl vwọ dia akpọ ikpe ujorha gbe iyori nu, ọ da rhe dia ọsẹ ri Jared.

¹⁶Mahalalẹl rhi vwo vwiẹ Jared nu ọ da dia akpọ na ikpe uri ẹne gbẹ ọgban, o de vwiẹ emeshare kugbe emetẹ efa.

¹⁷Kọye ẹdẹ rẹ akpọ ri Mahalalẹl ejobi da dia ikpe uri ẹne gbẹ ujọne gbẹ ihwe gbẹ iyori, o de ghwu.

¹⁸Ọke ri Jared vwọ dia akpọ na ikpe ujọrenre gbe ivẹ nure ọ da rhe dia ọsẹ rẹ Inọk.

¹⁹Jared rhi vwo vwiẹ Inọk nu, ọ da dia akpọ na ikpe uri ẹne, o de rhi vwiẹ emeshare kugbe emetẹ efa.

²⁰Kọye ẹdẹ rẹ akpọ ri Jared ejobi da dia uri ẹne gbẹ ujọrenre gbẹ ivẹ, o de ghwu.

²¹Ri Inọk vwọ dia akpọ ikpe ujorha gbe iyori nu, ọ da rhe dia ọsẹ ri Metusela.

²²Inọk da yan nene Ọghẹnẹ ro vwo vwiẹ Metusela nu ikpe uri gbe ujori o de vwiẹ emeshare kugbe emetẹ efa

²³Kọye ẹdẹ rẹ akpọ rẹ Inọk ejobi da dia uri gbe ujorenre gbe iyori.

²⁴Inọk da yan nene Ọghẹnẹ o gbi ghwu-u, fikiridie Ọghẹnẹ reyerọ.

²⁵Ọke ri Metusela vwọ dia akpọ ikpe ujurhiri gbe ighwrẹ re, ọ da rhe dia ọsẹ ri Lamẹk.

²⁶Metusela rhi vwo vwiẹ Lamẹk nu, ọ da dia ikpe uri erha gbẹ ujurhiri gbẹ ivẹ, o de vwiẹ emeshare kugbe emetẹ efa.

²⁷Kọye ẹdẹ rẹ akpọ ri Metusela ejobi da dia ikpe uri ẹne gbẹ ujọrenre gbẹ irhiri, o de ghwu.

²⁸Re Lamẹk vwọ dia akpọ ikpe ujurhiri gbẹ ivẹ nure, ọ da rhe dia ọsẹ rẹ ọmọshare,

²⁹o de se odẹ rọye Noa, tanẹ, Vwẹ evun rẹ otọ rẹ Ọrovwohwo harhere na ọye Ọnana che nurhe rhe kẹ avwanre omaerovwo nẹ iruo vẹ owian rẹ abọ rẹ avwanre.

³⁰Lamẹk rhi vwo vwiẹ Noa nu, ọ da dia akpọ ikpe uri ivẹ gbẹ ujurhiri gbẹ ihwiori, o de vwiẹ emeshare kugbe emetẹ.

³¹Kọye ẹdẹ rẹ akpọ ri Lamẹk ejobi da dia ikpe uri erha gbẹ ujori gbẹ ighwrẹ, o de ghwu.

³²Ri Noa vwọ ikpe uri ivẹ gbẹ ujori, ọ da rhe dia ọsẹ ri Shẹm, Ham kugbe Jafẹt.