Read urhobo Jẹnẹsis 6 Bible Online

Jẹnẹsis 6 - urhobo bible

Jẹnẹsis 6

¹Ọke rẹ ihwo vwo buẹ phihọ vwẹ enu rẹ otọ na re, ayen rhi vwo vwiẹ emetẹ re,

²emọ rẹ Ọghẹnẹ da mrẹ emetẹ rẹ ihwo nẹ iyovwiri gangan; ayen da reyọ uche ri je ayen vwọ rọvwọ.

³Etiyin Ọrovwohwo da ta, Erhi Me sa dia evun rẹ ohwo bẹdẹ-ẹ, fikiridie uvwo oruẹ, ẹkẹvuọvo ẹdẹ rẹ akpọ rọye kẹ ikpe ujosa kọye ọ dia.

⁴Yi Nẹfilim evun rẹ akpọ vwẹ ọke yena, kọye vwẹ ukuko rọye re, rẹ emọ rẹ Ọghẹnẹ vwo bru emetẹ rẹ ihwo rẹ akpọ rhire, i de vwiẹ emọ kẹ ayen. Enana kẹ eye egba rẹ awanre, ri kperi usi.

⁵Ọrovwohwo da mrẹ nẹ evun umwemwu rẹ ohwo rhoro gangan vwẹ evun rẹ akpọ na, ọ da je mrẹ nẹ iroro rẹ udu rọye pha brabra vwẹ ọke ejobi.

⁶Ọ da da Ọrovwohwo gangan rọ vwọ ma ohwo phihọ akpọ na, ọ da da vwẹ udu rọye.

⁷Ọrovwohwo da ta, Mi phoro ohwo te eranwe te obo ri kpono vwẹ otọ na, rẹ ephra ri obenu na, kidie ọ da vwẹ gangan re Me vwọ ma ayen.

⁸Ẹkẹvuọvo Noa kọye ivun rọye vwerhe Ọrovwohwo na.

⁹Enana ke ye orua ri Noa. Noa kẹ ọvwata oruẹ, o vwo eka vwẹ orua rọye na-a; Noa da yan kpahọ Ọghẹnẹ.

¹⁰Noa de vwo emeshare erha, Shẹm, Ham kugbe Jafet.

¹¹Akpọ na de rhi gbeku vwẹ obaro rẹ Ọghẹnẹ, akpọ na ke je vọn vẹ ozighi.

¹²Ọghẹnẹ da mrẹ akpọ na, nighe, o de gbeku; fikiridie uvwo ejobi gbeku tughu vwẹ enu rẹ akpọ na.

¹³Ọghẹnẹ da ta ki Noa, Me guọnọre ne Me guọghọ emu ejobi nẹ akpọ na, kidie akpọ na vọnre vẹ ozighi fiki rẹ ayen, nighe, Me guọghọ ayen vẹ akpọ na.

¹⁴Gba vwẹ urhe ri gofa kare okọ, kare ivun phihọ okọ na, wọ nabọ pharọ te obevun te otafe vẹ orhọrhe.

¹⁵Ọtiọna kọye wo ruo: ugrogro rẹ okọ na kubit uri gbẹ ujori, ohẹhẹre rọye kubit ujuvẹ gbẹ ihwe, ekodo rọye kubit ọgban.

¹⁶Bọ uwevwi phihọ enu rẹ okọ na, re okpenu te kubit ọvo; re wo phi ẹchẹ phihọ okọkọ rọye, gba agbada erha phihọ, ọvo obenu, ọvo uherevie, ọvo obotọ.

¹⁷Kidie nighe, Me cha vwẹ ame ku akpọ na, re ọ rhe ghwọrọ uvwo ejobi ri vwo ẹnwẹn rẹ arhọ rẹ otọ rẹ odjuvwu na; kemu kemu ri enu rẹ akpọ na ejobi ko ghwu re.

¹⁸Ẹkẹvuọvo ke Me vẹ owẹ re ọphọ; ko wọ cha ro evun rẹ okọ na, te owẹ te emọ wẹn, aye wẹn te eya rẹ emọ wẹn.

¹⁹Kugbe emu kemu ejobi ri vwo ẹnwẹn vwẹ akpọ na, ku wọ reyọ ayen ivivẹ, dohwo doghẹre rọye phihọ evun rẹ okọ na, rere ayen vẹ owẹ vwọ sa rhọ, ke dia aye gbe ọshare.

²⁰Ọphra, dọphra doghẹre rọye, eranvwe, deranvwe doka rọye, obo ri kpono vwẹ otọ na doka rọye, ivẹ oghẹre ọvo eye ri che bru we rhe, re wọ mrasa sivwi ayen rhọ.

²¹Je reyọ obo rẹ unu ria demu doka rọye, ghwẹ ayen koko wọ nabọ sẹro rayen; kọ dia emu kẹ wẹ vẹ ayen.

²²Noa de ru ọna; o de ru emu ejobi rẹ Ọghẹnẹ dje kẹ nẹ o ru.